金融公司投資拍電競賽車電影?仲要係無大明星?

 

 

香港係一個先進開放嘅城市,唔同才能嘅人都可以發揮所長。然而,唔同才能嘅人,喺成長嘅過程有唔同嘅際遇,呢啲際遇,對某啲人來講,可能會帶來好多煩惱,甚至係挫折。成功嘅人,往往就係,無論佢出身乜嘢,佢本身天賦係乜嘢,都努力不懈自強不息,不斷突破自己,成就自己嘅人生。

特別喺香港,家長都很希望小朋友讀書成才,但係的確唔會所有年輕人嘅天賦都係喺學業,呢類青年,就要比其他同輩承受經歷更多的挫敗,先可以搵到自己嘅路。

如果有一位年輕朋友,佢嘅天賦係打機,佢又可唔可以搵到自己嘅人生呢?

 

我講緊嘅係,一間叫BNB Global Group 嘅台灣公司,據悉佢哋做開地產酒店金融,今日(15日)宣布會投資電影,暫名《乘風》。

 

 

電影好似係改篇自真人真事,講述一位年輕賽車手追尋夢想的故事。後生嗰陣,佢鍾意玩賽車遊戲,但係佢覺得自己嘅成就唔應該侷限係遊戲機中,而想真正馳騁於賽道上。但係身為退役賽車手嘅老豆多加阻撓,主角賭氣下了一個決定,而這個決定,扭轉了他的人生……

就咁睇故仔嘅橋段,主軸都係王道熱血奮鬥系,配以時下最吸睛又吸金嘅「電競」題材。

發佈會上播放左一段前導片,片中顯示呢套戲將會喺香港取景,亦有賽道實景,都幾有心思。

 

 

發佈會同時邀請左香港唯一出戰國際電競格鬥比賽嘅選手Humanbomb,以及著名網路作家藍橘子。睇來投資者對於網路上邊個真係紅,呢方面都好掌握啵。

 

香港嘅電影市場都好需要多多投資,而以打機做題材嘅電影睇落都好新穎,期待呢套野拍好。

聽聞呢套戲喺六月就有得睇,會喺各大網絡平台播放。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 175396
Date: 2018-01-16 01:04:18
Generated at: 2020-02-29 13:00:14
Permalink: https://www.vjmedia.com.hk/articles/2018/01/16/175396/金融公司投資拍電競賽車電影?仲要係無大明星?