So easy 與Monkey

 

近日有兩單事件好轟動:一件係有白人話台女「很EZ」,另一件就係H&M搵一個黑人細路著一件有寫著Monkey嘅衛衣。

點解依兩件事都咁火爆?因為牽涉到歧視依個話題。有人話咁代表喺白人眼中台女,甚至亞洲女性都係唾手可得,佢地視亞洲女性尤如性玩物芸芸,然後就有好多人出嚟話咁樣係歧視,係白人到而家都睇其他人種唔起。Monkey衛衣都一樣,話黑人係馬騮聽落真係好冒犯,仲係睇唔起黑人等留言一街都係。

我唔否認仲有白人對亞洲人同黑人都仲有歧視眼光,但我覺得大家反應太激烈,有啲以偏概全嘅感覺。

先講「很EZ」依件事。有人特別鍾意白人一啲都唔出奇,就好似有人鍾意六嚿腹肌、有人鍾情有錢人、有人淨係會揀米八以上嘅男仔咁,每個人都會有唔同喜好。覺得白人有優越感嘅唔止某啲白人本身,其實依個概念都出現喺唔少亞洲人身上,對佢地嚟講身邊企住個白人就好似自己都特別有「飛士」,咁依班人要對白人投懷送抱,我地冇可能阻止話禁止佢地喺夜店或者喺街唔可以去識白人,依個係佢地自由。同樣係白人入面都會人好似「蘭桂坊港女」事件入面兩個鬼仔一樣真係當亞洲女性係玩物,但佢並唔可以代表全部白人,冇理由因為有白人會咁做,所以就代表「所有白人都當亞洲女人係雞」;又或者因為有幾個女性好渴求白人,所以「所有亞洲女人都係崇洋係雞」。

無論係「很EZ」又好,「蘭桂坊港女」又好,我地可以話係當中嘅參與人物嘅行為係過咗火,但唔應該引申到全部亞洲女性或者全部白人都係一樣。畢竟你會見到好多台灣女性留言都覺得當中嘅女性「令人羞愧」,亦有好多白人係尊重所有女性,佢地唔應該無啦啦被代表被訂義。我地更應該做嘅唔係好話當事人令所有人蒙羞,而係去比人知道依啲只係個別事件,主流嘅台灣,亞洲女性並唔係咁隨便,亦唔係見到「洋腸」就腿張開。要濫嘅就由得佢去濫,我地要做嘅係明白「一養米養百樣人」,唔好下下都扯到去咩民族主意乜乜代表,即係白人女人都會有見錢開眼有喜愛「黑巨根」一樣,根本咩地方咩種族都會有依類人,係咪真係純粹同歧視有關?

至於Monkey衛衣當然可以話係H&M方面缺乏警覺性,但點解黑人唔著得有Monkey字樣嘅衫?點解佢地一著上身就係受到歧視?依個又係另一個歧視嘅問題。真正消除歧視應該係點?就係一個黑人著住件寫住Monkey或者直接印咗隻馬騮嘅衫都好,冇一個人覺得有問題。冇錯,冇歧視即係要平等,平等的話點解件衫得某啲人先著得?無論係黑人本身覺得馬騮對自己有貶義定係其它人覺得咁對黑人係有侮辱性都好,大家喺心底入面仍然下意識將黑人嘅位置放喺一個應該要受保護嘅位置。唔同「東亞病夫」或者納粹手勢依種本身已經帶有不良意味嘅情況,馬騮就只係一隻馬騮,到底係設計師真係借馬騮去笑黑人,定係我地依班自以為對黑人冇半點歧視嘅人先入為主?呵呵,諗死你。

雖然個個都話歧視唔好,要改,但其實全世界每一個人都會有歧視嘅人同事,要歧視好似天花咁消失其實比要地球上嘅小強絕種更難。唔想比人睇唔起,唔好妄想成個民族種族會陪你自強,或者終有一日全世界都唔會對你有半點偏見。

The only thing that you can control is yourself,你唯一可以做嘅就係咁。洋唔洋腸,係咪馬騮,睇完笑下咪算,嬲都冇用。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 175461
Date: 2018-01-17 21:19:25
Generated at: 2021-10-27 12:17:27
Permalink: https://www.vjmedia.com.hk/articles/2018/01/17/175461/so-easy-與monkey