香港有咩企業唔可執笠？公營企業，港燈、中電，煤氣？四大發展商？港鐵？港交所？你依家要我答，通通唔係。TVB先係最香港大唔能夠執笠嘅企業。
呢張相，其實睇到好多嘢。首先講click rate，五個鍾頭有三十二萬人入過去，即係每個鐘有六萬幾人關心緊呢件事？香港有冇一件事係一個鐘內有六萬幾人關注？都有嘅，開市個陣，仲有打風喇。不過留意返，呢個只係以上傳媒嘅數字，仲有各大做緊即時更新嘅傳統媒體同社交平台，所以隨時每個鐘有過幾十萬人關注緊呢件事。
第二，㩒入去嘅人究竟想知啲乜。觀乎坊間嘅風向，我以香港其中一個最強KOL page「kingjer」參考，都覺得唐詩詠唔值。㩒入去嘅，可能有好愛唐詩詠，又可能有好憎唐詩詠，更甚者只係想知到底佢陪過邊個瞓…..呀sorry，係邊個陪佢瞓。但請問，一個話俾邊個就俾邊個嘅頒獎禮，點解都有咁多人執著賽果？點解咁多人明知點選都唔會係你諗嗰個，仲要妄想會公平一次，貼近民意一次？好似妄想出黎大集會，大陸就會畀薯片做特首咁呢？
一個傳媒，同另一個傳媒都係身處堆填區，交惡多年，一直無好轉跡象。而A傳媒噚晚個即時新聞版面，幾乎都係全程文字直播B傳媒頒獎禮所有環節，而且長期放喺焦點位，再掃落去，幾乎每三隻就有兩隻係關於頒獎禮。即係話，噚晚A傳媒即時新聞個click rate，食粥食飯都係睇住B傳媒。都啱嘅，反正反對派依家食粥食飯都係睇政府點施捨佢地，點樣唔趕盡殺絕啫。
如果閣下有幸係茫茫facebook大海睇到我呢個post，有冇諗過點解你愈黎愈難睇到你朋友嘅post？有冇諗過點解呢排，你剩係見到咁多page出左咁多有劇集片段嘅片？有冇諗過點解一年有咁多神劇，有咁多乜鬼金句？又有冇諗過點解呢啲post出極都有，但你都係會樂此不疲咁睇，樂此不疲咁like，share同tag人？
因為TVB，就係香港最大到不能嘅企業。btw，我地嘅鄭律政司司長自爆佢有其他物業都僭健呀，份新聞稿好似係黃浩信拎視帝無幾耐後出。其實我都係多口講句，畢竟僭建呢啲無謂嘢無人想知。
【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著
【瑜珈教練被殺】香港的法律不足以保障遭受纏擾行為的受害人
【轉工適用】Reference Check 又黎料啦
【憂傷的嫖客】「環保吹」
如何成為護士？（包括登記護士與註冊護士）
《彼岸島》絕對是我人生中看的其中一套最令我無言的漫畫。
2018年1月22日
