TVB《街市遊樂團》教你如何不尊重人

 

 

老實講,想知道今日香港人係咪個個都係要人情味的話就一定要所謂嘅市井,而市井又係咪一定要無禮貌和粗鄙呢?

我唔知,但係每次見TVB播那個《街市遊樂團》就一定好肯定係教你呢種概念,三個主持人都有一個共同的特質,就係無禮貌同粗魯,而這種行為被標榜為所謂「真性情」,真我個性。而更重要嘅係呢一套節目居然可以播到第三輯,意思係個節目收得,先會咁,可見香港人對呢種主持人係咁有市場。

昨晚星期日又播,節目主持人江美儀同另一主持麥長青正在介紹聯和墟街市自助餐,老闆好認真解釋佢嘅食店同有關嘅食物,但係兩個主持人真係當人無到,江美儀係度打斷人地講嘅野,係度扮搞笑鬧麥長青,而麥長青亦無理會食店老闆係度夾野食。

雖知道節目效果是特意,嘗試營造出食物好好味,以及搞笑搞氣氛認為鬧人係「巧打意」嘅感覺。但唔好將一些所謂既有的觀念套用去所謂的「貼地」,「貼地」唔係一定無禮貌,唔係一定不懂尊重人,不一定要所胃市井就要鬧人咁解。節目入面個食店老闆比江美儀打斷話題,其實佢個樣都心感不滿,無奈地苦笑,這種所謂介紹,真係唔做好過做。

以往阿蘇的飲食節目,常以鬧人痴線、茂里其實都已經好沒有教養,以為好笑,其實係沒有禮貌和不懂尊重人,時常所謂嘅真性情根本只是一種無教養的態度去做節目。時隔多年,TVB仍然用這種所謂賣「人情味」態度做節目,其實是虛情假意,真正教壞細路。

試下日後有位長輩在講述一些事情,有年輕人打斷話柄,看看會怎樣,難道這叫做可愛和有趣,到時又會說今日的後生仔真係無教養呀。但電視上那幾位主持人也是一樣,還要是四五十歲的成年人,這又可以?

不過又難怪TVB,這個節目可以做到第三輯,即係有收視,有人接受到這種主持人風格,主持人亦會恃住有收視然後會話有人喜歡這種風格,又會說繼續自我,做返自己云云。事實上這三個主持人在這個節目時,常常都不會理會受訪者的感受,有意無意在挖苦人家之類當笑話。經典一幕就是江美儀取笑自己要做街市的售貨員,是否意味著這工作不得人喜歡呢?職業無分貴賤,一方面又所謂廉價地販賣所謂的「人情味」,另一方面卻看不起人家的工作,這是什麼玩法和態度?

有時候看一些台灣節目,也有類似常常講及一些地道鄉土情,但很少會以這種「爛笪笪」的演繹方式,他們的在地是以當地的口語、地道文化去介紹,但絕少會以無禮方式去演繹。現今香港人將「無禮」、「不尊重」等於「貼地」、「人情味」,這種概念和心態絕對不要得,甚至要改。否則只會把香港本土文化淪落到不是「貼地」,而是賤過地。

香港要謹記粗鄙、無禮不等於本土有人情味,這是兩回事。

 

關於作者:Terence Yun

Terence Yun

我有回應

則留言

閱讀後覺得好,請多多讚好及分享~:)

其他熱門文章

  • 【真人真事】「我知道怎樣讓那些女人高潮,我每一次都成功。」 by 阿痞
    阿旦講到一半,也許發現我面無表情,也沒怎麼參與對話(應該是參與不了),突然笑了一聲,吐了一口煙,一臉意味深長地盯著我道﹕「你好冷靜,真是個成熟的女生。我喜歡女生成熟。」雞皮……疙瘩……掉一地………
  • 【塔羅個案】年輕女性客戶努力儲錢,只希望將來間屋買大啲比男朋友擺Gundam by 神婆
    Cherry 由大學畢業後就開始搵我問工作方向,到而家不知不覺第五年了。出野做野無幾耐,佢經朋友介紹認識一個宅宅地嘅男朋友,兩人皆從事金融行業,人工尚算不錯,加上理財有道及各種原因,兩人加起來略有積蓄,近日男友暗示有結婚之意。…
  • 【跳樓啦】唔小心講多左 LEGO跳樓機今年殺到?! by 阿九
    LEGO 過山車熱潮都仲未減退,大家都仲諗緊點安置佢嘅情況下,喺德國嘅 LEGO 銷售網站 Brickmerg […]…
  • 香港人,返工返到傻L左 by 哈姆太狼
    話說呀輝是應屆畢業生,正在一間剛正名的大學裡面做辦公室助理。至於在前文提到他準時下班需要向上司提交合理理由,這不是我編的,而是真人真事。呀輝的工作合約是朝九晚五,但每天都要加班到七點才能下班,最重要的是加班還沒錢。「Quit左佢啦!伏工。」…
  • 女朋友話我當佢係洩欲工具 by 哈姆太狼
    最近女朋友拒絕行房,令我百思不得其解。明明思前想後也沒有得罪這位主子的地方,難道是.....「黎m呀?」我摟著她。以我的經驗,只要我抱她抱得緊緊的,總能大事化小,小事化無。「吓⋯⋯冇呀。」「咁做咩唔想呀?」「唔想咪唔想囉⋯⋯」她把頭撇到了一…
歡迎讚好我們的facebook page,免費資訊源源送上。