好地地叫雞唔得咩?

 

 

我好尊重從事性服務嘅人,自然同樣尊重使用性服務嘅客人:冇需求就冇供應,各取所需先做到生意。但如果你明知有一班人好需要人幫助,你拎住大筆好多善心人捐出嚟嘅錢同物資以救援名義出現,不過就係佢地準備伸手拎救命物資嘅時候你解開褲頭皮帶,你居然同佢地講「想要就比我屌你一次先」?

真係好撚賤格。

你以人道、慈善、救援等等咁光環咁人性嘅身份去到,居然迫受助人做啲最嘔心最可怕嘅行為去換取佢地本身就應得嘅嘢,仲要係靠咁多人捐嘅錢,包括埋飛過去張機票都係我地比(係啊,我有份捐架屌)。原來做慈善機構咁撚開心,唔單止公司包叫雞,仲要係迫啲良家婦女下海,然後做你地機構旗下員工專用嘅洩欲工具。

性需要個個都有,但係要解決嘅方法一定唔止迫良為娼。就算你再唔想打飛機,覺得性需要一定要搵女人都好,好地地搵個真係做性服務嘅叫雞唔得咩?再唔係學香港之前A咩F同佢子公司H咩S咁員工之間搞個淫亂派對大家互屌屌天光然後瞓醒再返工,就算踢爆咗大家都只會話「我屌,我都入樂施會做先」而唔係「我屌,佢地真係好撚仆街」。

起碼淫亂派對係你情我願,我當你係雞你當我係鴨互屌唔收錢,而唔係你以一個高高在上嘅姿態迫一班冇反抗能力嘅弱勢社群任你魚肉。為咗屋企人有飯開,為咗個仔有醫生睇,明明千萬個唔願意都只可以喺陌生男人面前除衫忍受佢嘅抽插⋯⋯我唔明一個人面對依個情況除咗拳頭點解仲有位可以硬到。

冇幾多個人真係想從事性行業,而你就算有能力亦唔應該做最後一根稻草去令人屈服做所謂嘅性交易,然後一句「我有比錢,佢係雞嚟」就可以當冇事。依種利用人性軟弱同現實迫切性去滿足自己淫慾而經好過份,仲要係用其他人嘅善心善款,枉佢地有面目加入慈善團體。

如果係一兩個害群之馬當然唔可以怪間嘢,但淫亂同揮霍嘅風氣其實一直都存在於唔同慈善機構,由搞當地災民、叫雛妓、用公費坐頭等機,基本上間間公司,甚至聯合國都知,只係佢地選擇收埋唔比人知,因為受罪係災民,洗錢係市民,佢地唔洗付出就有一大個光環,得閒仲可以坐頭等去災區後宮選妃。而家爆咗出嚟都好,起碼佢地點都要做啲嘢,同埋大家都知道我地嘅「善款」最後係點用。

我聽日就打電話Cut咗個Plan佢。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
  • 《無限斜棟有限公司》的政治意味 by Terence Yun
    除了三人家庭背景在暗示著一些政治符號外,其實這個三角戀也是一種暗示,盧慧敏周璇兩人之間,兩位男方常強調要求盧決定選擇其中一個,但盧知道兩人都是她的所愛,不能沒有任何一個,不可以失去其中一個,所以盧非常強調不願意選,不想選擇,她只想唯持現狀,…
  • 梅艷芳與姜濤——看一個時代的轉變 by Terence Yun
    香港娛樂產業一如早前提及是需要投資,不能短視,長線投放資源,才能培養一代藝人…
  • 葉劉請你遠離Mirror by Terence Yun
    政客向來都是嗜血的動物,見到一些市場上有價值的,便會撲過去拿著數,Mirror近期火紅,政客們也不忙關顧一下。有人提議姜B打針以鼓勵年青人打針便是例子,而花姐亦很懂技術推卻,可見她是一個高手。建制政客也不會執輸,葉劉淑儀建議Mirror同E…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 176725
Date: 2018-02-22 17:09:23
Generated at: 2021-05-15 17:03:36
Permalink: https://www.vjmedia.com.hk/articles/2018/02/22/176725/好地地叫雞唔得咩?