學校迫學生Lunch time 食啲大型飯盒供應商既垃圾屎真係好仆街

 

 

如果你食過今時今日中學嗰啲飯盒供應商既飯盒,就知道乜嘢叫做慘過食屎。

我返工既路上,會經過一間中學,可能係因為佢個小食部或者廚房好近圍牆既關係,每次路過,都會傳出陣陣中學小食部獨有既薯餅香。個陣味真係索到都會扯一扯,特別係扯起左當年仲讀緊中學時既回憶。

中學時期最深印象既,就係學校飯堂十三蚊一碟既午飯。當年學校飯堂有自己既廚房,而唔係大型外賣供應商提供。每日午飯都係中午之前喺廚房製作,而唔係每朝早一車一車送到學校保溫。雖然學校提供既款式唔算多,每日四款,而一個月入面都經常會重覆,但因為味道好正既關係,我地好多時都會小息睇定當日既款式係咩,如果係肉片奄列飯、或者黑椒雞扒飯,真係行慢幾步都會賣晒

當年學校十三蚊一碟既味道,比起今日幾十蚊一碟既茶記飯、半百一碟既太興叉燒飯之類都好食太多。一個學生晨早流流上左半日堂,其實已經相當疲累,一餐好味既晏晝飯真係有一種救贖既感覺。

返到現代,我唔知仲有幾多間中學有自己既廚房。我所見既大部分學校都由自設廚房改為同啲咩陽光小X之類的飯盒供應商合作,學校有一車一車既保溫車去暖住你個飯成個朝頭早,到你拎飯食既時候,一開蓋就乜春倒汗水都倒晒落個飯度,濕撚晒啲飯餸,成pat野咁。啲餸又整到勁鬼難食,餵狗都畀人話虐畜個種,同時又要懶健康咁餐餐都掉啲有怪味既菜落去個飯盒,用埋啲唔係個個人都接受到既五殻米。

最最最仆街既係,好多學校唔畀初中生外出食飯(有啲連高中生都唔畀),迫住佢地一係自己帶飯,一係就要訂學校合作既供應商飯,而一部分老師日日聯群結隊出去食好嘢。如果我係今時今日既中學生,要我日日屈喺學校食屎,唔抑鬱?唔痴撚線?

學校想節省成本我當然明白,但將心比心,你地啲老師自己都頂唔順個啲濕鳩飯盒啦,點解可以迫學生去忍受?給他們一餐好飯吃可以嗎?

 

作者:木人里

一個心地善良既仆街。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 177327
Date: 2018-03-08 05:56:05
Generated at: 2020-06-03 23:36:49
Permalink: https://www.vjmedia.com.hk/articles/2018/03/08/177327/學校迫學生lunch-time-食啲大型飯盒供應商既垃圾屎真係好