唔好因為食齋就當自己係聖人

 

素食撚有個好撚惡毒嘅習慣:佢地好鍾意去「同化」人。
好似喪屍咁,見到人就要去咬,咬到佢毒發變埋喪屍先肯罷休,而對素食撚嚟講食肉嘅人就係佢地要感染嘅對象。

因為健康理由、信仰、個人口味而唔食某啲嘢係好正常。我啊婆信觀音唔食牛,伊斯蘭教唔食豬肉;有乳糖不耐症唔飲得奶,花生過敏唔食得花生;我唔鍾意食雞子,我有朋友唔食切咗片嘅像肉。因為尊重我婆婆,每次同佢食飯我都唔會叫有牛肉嘅食物,但佢每次飲茶都會問我食唔食山竹牛肉。依個先係正常,互相尊重大家飲食習慣而做出嘅舉動,而唔係強迫人地要去跟你嘅飲食習慣。

有人話素食對身體好,食肉係吸毒素落肚。每種食物都有佢嘅營養價值,菜,豆類當然係好有營養,但同樣肉都係含有好多人體需要嘅養份,偏偏素食撚要去無視一切,淨係講衰嗰一面,仲要加多句「好多營養素食素都得」。單單係補充蛋白質或者係嘅,食黃豆都得;但血紅蛋白,脂肪酸等呢?佢地又會扔一堆植物名出嚟,話每樣都再食啲,咁就可以代替肉。喂,我食一塊牛扒就吸收到嘅營養,點解要食十幾樣素食,幾倍嘅量去代替?

好多素食撚最強嘅「理據」就係食肉好殘忍:你點捨等忍心一隻活生生嘅動物成為你嘅食物?但個世界係咁喎,弱肉強食係定律喎,你會唔會比人炒嗰陣同老闆講「你點捨得我失業冇飯開」?冇人理你架。又如果你喺非洲大草原見到獅子追緊隻羊,咁你又係咪話隻羊好慘而要去救佢?但你救走咗隻羊,獅子食乜啊?佢又會餓死喎。根本弱肉強食係定律,係生存基本,無論係草原定人類社會都係一樣。

你要食素,我唔會阻你,最多我搵間肉素共存餐廳同你食飯,你有你食菜,我有我夾肉。耐唔耐同你食一兩次素都冇問題,有啲食素嘅餐廳水準好高,年中試幾次係可接受範圍。但如果因為你食素而我就唔可以食肉,你就好似民建聯同共產黨,真真正正代表我決定埋我喜好。有啲末期素食撚甚至真係自動幫初生嬰兒決定做素食者,用米水代奶,如果最後有咩冬瓜豆腐一定要告佢謀殺。

可能你食素對你有好處,但我一啲都唔想做素食者。唔好以為你唔食肉就係聖人,有權對其他人嘅飲食習慣指指點點,食素食到啲人心腸咁揀惡毒,我都唔明班素食撚有咩資格話人。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 177397
Date: 2018-03-09 06:19:23
Generated at: 2021-05-13 18:13:55
Permalink: https://www.vjmedia.com.hk/articles/2018/03/09/177397/唔好因為食齋就當自己係聖人