【Audit 文化】陪坐

 

 

路人甲問:「你返工平時做咩?」

我:「平時返工咪賣下笑,陪下坐,陪下人食飯,有時俾人抽下水(言語上)咁,我俾一個大組織控制住,好多時佢都要我加鐘,佢一想加鐘,我係無得say no,唉」

路人甲:「你做PTGF 架 ?」

我:「其實都係,as long as 我都係出賣啲嘢,不過PTGF 出賣肉體,我出賣時間姐。」

你唔信我會返屋企做,你要我留到半夜, 到我遲過你放工,你問我係咪啲嘢唔識做。大佬呀,遲放工又唔得,早放工又唔得,你想我點。你想我不遲也不早,剛剛好早你小小放工。

公司俾notebook 我地,因為可以隨時隨地都做嘢,如果根據你的邏輯,不如全部轉晒desktop 啦。

總有啲人係office 做唔到嘢,不是搵人吹水,就係fing 緊,到收埋自己係密室,先可以concentrate 到,咁你姐係想人地永遠做唔完啲嘢姐。

其實陪坐同拍拖一樣,你留得住人哋個人,但留唔住人哋個心,I physically sit in here, but I am fing ing lol。我可以坐好耐,但hea 緊你,亦可以零progress。

我唔明,我從來都唔明,點解個個都唔明留人係無用架。 we are not kid,urgent 嘅我哋會自動自覺去做架啦。

其實問題的重點係信任。 你信我返屋企會做嘢,你會放我走。如果無信任,不如你release 我好過。

你知道嗎?一條team,最重要係咩?最重要唔係你能力有多強,最重要係信任,最重要係team work ar。 就算你幾叻都好,你都做唔晒啲嘢,但together 嘅時候,我哋就可以做晒啲嘢。

我信如果我地氣氛愉快啲,你會willing 同我講你面對嘅問題,你睇到嘅issue。 有咩爆獲,我地都可以一齊面對,錯咪錯,仲未announce ,你怕咩。 becoz we are a team。

我信我嘅team, 雖然我成日玩x佢地,有時會凌晨假扮陌生女仔add 佢地Facebook,傾啲horny 嘢,玩下佢地。當然我teammate 係有啲嬲嬲「oh, why u work so late to sell london gold to me. Dun work too late la sic」

做左幾年,我真真正正的發覺team work 好重要,信任都好重要。就算隻job work,但至少你emotionally 唔work。

 

 

關於作者:FAKE 文青

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。