敬問各位黃絲聖人:可唔可以唔好再鬧我地呢啲九西選民?

只差2,419票,很遺憾,我無法勝選。奇蹟就在一步之遙。這刻,我對所有支持者、跨黨派的朋友與義工,只有衷心感激,感謝你們在這三個月,與我並肩作戰,一再迎難而上。同時恭喜新界東、港島區兩席能夠由民主派的范國威、區諾軒勝出;…

Posted by 姚松炎 Edward Yiu on 2018年3月11日

 

每次選舉,由未選到完,都會有好多人鬧選民,話叫唔醒佢地又話愚民。

身為被鬧既九西選民,好想問下,係鬧選民之前,到底候選人有無做好自己既本份呢。選民係人唔係狗,唔係你話投你就投你,撐泛民係一回事,願唔願意撐泛民所撐既又係另一回事,起碼都比啲誠意拉下票啦,唔好一唔跟你既投票方式就鬧,咁同痴線有咩分別。

九西咁大,唔敢講晒,就講屋企附近兩個票站:

以黃碧雲、毛孟靜、劉小麗加譚國橋既得票總和對比梁美芬加蔣麗芸既總和。

石硤尾票站係五個姚松炎輸最多既票站之一,2609票對1808票,連16年既選舉泛民拎到既1995票都拎唔晒,雖然呢個票站向來都係輸(16年建制2532票)

但大坑東票站,身為民協主場,竟然都輸1854對1717票。而16年,泛民係同一票站,淨係譚國橋一個人都拎左1702票,總票數係2640票,而建制就得1468票,建制係補選反而拎多左票。

深水埗區向來民協天下,但十個民協票倉,姚松炎輸左8個(credit to 明報),唔求你R到新票,連保住本身既票都做唔到,就睇得出泛民為左想要番被DQ既呢一席,到底做過幾多。

其實個人好欣賞姚松炎落敗之後出黎話責任全係自己身上,好多野都做得不足,仲話幫民協講說話,話佢地係其中一個「最肯幫我」既政團。

不過如果啲人再唔學下姚教授咁既胸襟,再話九西選民中意食屎既話,下次十萬票都唔比你呀!

FYI石硤尾票站半邊區議員係西九新動力,半邊係民協;大坑東區議員係譚國橋。

 

補:唔好係我呢到鬧我鬧民協,你唔care我呢票唔緊要架,但我好小氣架!有冇做過野選民自己有眼睇。

 

關於作者:愚魚

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。