311最準確預測賽果,結果竟然係間餐廳?!

 

 

311賽果最終掀曉,所謂有人歡喜有人仇,又黎到全民化身磚家系列,個個渣住數據如引經據典咁將解釋結果然後又無限延伸。當然亦唔少得回帶睇返啲選前預測,睇下有冇朋友需要切丁、祼跑之類。除左今次係自燒山苦海明燈「熄燈」後既首場選舉,加上選戰本身亦充滿「反對派瞓係度選都嬴」既氣氛,似乎大家都珍惜身體,安全保留硬體。但係今次預測賽果最準確既原來唔係一眾評論者,而竟然係金拱門?!

 

4席全取已經唔存在

就係舊年年尾,可以成日叫全翼/全搥既雞翼突然被叫停,從此以後都冇4隻全搥/全翼,作為搥派既筆者故然傷心,冇得啖啖肉啦係咪,事件曾經引發一眾巴打負評派嬲;反對派係競選工程都宣稱以「四席全取」既口號為目標,但明明連m記雞翼全搥都保唔住既時候,「四席全取」喎,好啦,依家打和啦,2翼2搥,夠食啦,開心啦?打和啦super~

當你以為中資集團係度眷顧同祝福建制派呢?梗係唔係啦~

 

 

不用加配一語成讖

綜觀港島選區,由一開始都盛傳建制派有力爭一席,反對派以及一眾既支持者發動最成本最低又飽肚既方式去表態,就係去買套餐,以「不用加配,謝謝」為反對派友持,呢個方法可謂簡單直接得黎又有得食,至少呢啲錢表態完食左佢好過俾人當潑出既水吖~好啦,不用加配係今次選舉真係一語成讖啦~m記又中~

 

今次選舉無論結果又好,過程又好,好多野都係比以往既補選真係格格唔同,今次m記可以連中兩元究竟係運氣巧合造成,定係幕後玩家一早set好左既劇本呢?我唔知,不如食個雞翼餐諗下?有得食好過連食都冇得食呀。

 

 

關於作者:武士亭

漢江泄對家

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。