向世界出發

 

阿燦雖然係向世界出發既片段俾人製成左圖集流傳網上而且歷久不衰,但係大多數人都係集中拎佢啲對白黎白搭取樂一番就算。其實佢講成功同失敗,部份亦有佢既道理。

佢認為不斷失敗唔緊要,而係係每一次既過程入面,都識得檢討係啲乜,學得用唔同既角度去睇件事,而且下一次又可以嘗試用另一個辦法。『第一個辦法唔得,第二個辦法再入黎,第二個唔得,第三個再入黎』每一次試驗既失敗,係為下一次既可能成功做準備。換句話說,佢認為失敗只要敗得其所,自己係學到野既,係成功發生之前既若干投資。

印象中亦都記得,阿燦認為『成功既方法就係要消解怨氣既方法』,唔係每次失敗都只係識得諉過於人,只係識得搵野黎賴,甚至又好似怨婦咁樣周圍搵D昔日戰友係度互屌。『否則你永遠不會成功』,好似就係咁樣黎。阿燦曾經做過傳銷,佢認為企係消費者最前線,一定要學識晒同群眾面對面既演講技巧,『要識得用唔同角度去睇問題』,清晰了解佢地既需要。

係好多人眼中十幾年前既阿燦,已經係一個生意半失敗既過氣諧星。呢啲道理真係聽落好簡單,但究竟有無人做,學做,嘗試做到?真係無人知。我只係知道今次好明顯,有啲人根本係無睇過向世界出發,而所以佢地既堅持既路線,廿幾年都係原地踏步,尺無寸進,仲要一路樂於內鬥,打到新生代一派,失敗左每一次都怪晒每一個人,講到每一個毛孔都關事。

唔怪得之佢地可以失敗完真係再失敗,而中間係無所謂成功可言。呢種失敗,係永遠唔會邁向成功既。

 

關於作者:鵝鑾鼻燈塔

鵝鑾鼻燈塔
前高登講故人。現為廢中。努力抵抗中年危機中。FB PAGE:https://www.facebook.com/Ellan.Ou/

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。