【塔羅個案】中環高薪厚職女強人求愛篇:我一覽眾山小,但係⋯⋯

文教 / 最新文章綜覽

 

可能因為舖頭地點喺銅鑼灣嘅關係,黎搵我開牌嘅客人主要都係以喺港島工作或讀書嘅為大多數,喺中環某律師樓工作嘅 Amy 就係其中一個例子。

Amy 家境麻麻,父母好早離異,而父親頗好杯中物,「我對老竇嘅記憶,就係佢飲醉酒就打媽咪。」

母親獨力養大 Amy,而 Amy 亦好早熟,認為自己應該「讀好啲書,搵返好工,媽咪先唔駛咁辛苦」,所以佢入咗某著名女校之後,就不斷發奮,中一就已經睇緊學校中六先 recommand 睇嘅 reader,努力進修英文,甚至狂聽 BBC 黎訓練自己英語發音。

Amy 大學畢業之後就入咗某大律師樓工作,佢學得快又聰明,喺職場頗得上司歡心,好快,佢媽媽就無再出黎做嘢,「佢都辛苦咗咁耐,係時候由我去回報一下佢啦。」

睇到呢一度,你可能會問,喂,呢個 Amy 工作順利人緣又好又孝順,有咩特別,有咩好寫?

之所以會寫 Amy 嘅個案,係因為佢黎到我舖頭,一路講自己嘅故事,一路保持微笑,但係,同時,佢嘅眼淚並無停過。

「但係,我好攰。」Amy 眼神有少少失焦,「我一直好努力,我一直好比心機,但係,之後呢?我唔想喺媽媽面前示弱,但係,有時,我都好想有個人可以比我依賴下。」

我默不作聲,我知道我可以做嘅,只有聆聽,Amy 咁多年黎嘅心路歷程,就算我諒解,但係我一定無法完全理解。

「我都好想扭下計,好想任性一下,好想懶,好想唔好咁樣咁理智……」Amy 開始放聲哭泣,「但係,根本無男仔鍾意我,佢地話我太叻,話我太識照顧自己,話喺我面前,佢地搵唔到佢地存在嘅位置……」

我眼前嘅 Amy 眉清目秀,都稱得上係靚女一名,老老實實點睇都唔會無裙下之臣;但係,如果根據 Amy 所講,佢到而家都無另一半嘅原因,居然係因為佢唔夠小鳥依人、唔夠弱小、男人無得喺佢面前扮叻或者刷存在感之類嘅話,其實,都幾慘。

Amy 都係被強逼要獨立的,成長如此,佢可以點?

Amy 黎開牌,當然只係問下感情上面有無驚喜,奈何佢今年似乎都係以工作為主,姻緣路上應該仲未有適合嘅人出現。Amy 苦笑,亦不違言自己對另一半無咩要求,有份工作照顧到自己就得,「我無能力養多一個人呀!」Amy 調侃自己,「就算佢後生過我老過我,或者離過婚,都唔緊要。我只係想佢可以比到一份溫暖我而已。」

喺人地眼中,Amy 或者係人生勝利組;但係事實上,佢都係一個身不由己地需要變強去應付生活嘅女人,一個想做小女人,但係環境唔允許佢咁做嘅香港女生。

我可以幫到 Amy 嘅唔多,我只可以默默祝福佢,希望佢總有一日會搵到自己嘅幸福。

 

【塔羅牌個案分享】

後生女教友畀已婚傳教士搞大個肚唔認數

「我想分手,佢話唔好,不如去開房;然後我覺得佢仲愛我」

你話想生仔我咪唔避孕囉,我家下有咗你就叫我落?

名校老師婚外情的故事

四年入面,我睇住個客拍拖、結婚再離婚。

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。