香港要搵好食評真係好難。

 

香港嘅食評可信性真係好低。

對我嚟講食評係可以透過食家嘅文字將成餐飯重現喺你眼前,你會感受到每一道菜係咪真係好食,令你有衝動親身去試一次,而唔係而家嗰啲咩「好鮮好彈牙」同介紹「三個鐘百幾蚊任食好抵」嘅分幾鐘短片。冇錯,雖然而家個個都鍾意睇片,但猛烈南瓜寫嘅文對我嚟講先係香港少數,甚至係唯一仲可以睇嘅食評。

比起其它只會嗰排興咩就介紹咩嘅「食家」同雜誌(紫薯芝士拉絲時期呢,噁心),猛烈南瓜寫嘅係更加隨心,嗰一日食過咩好食嘅就寫咩,唔受潮流,更唔受價錢所限:明明今日先寫完萬芝連三星貴到我食唔起,轉個頭又會寫百幾蚊落得樓嘅麻甩地踎小炒,甚至係一碗雲吞麵都可以令人食指大動,仲可以同一篇文入面比較幾間麵家,各有出色,唔係收咗錢死讚爛讚嘅垃圾(例如大元幫襯嗰個)可比。

點解咗多「食評人」都只會幫新開小店同大餐廳寫?食物質素都係其次,係因為依啲鋪頭肯免費請人食飯,甚至比錢你幫佢寫。好多舊式大排檔茶檔等等話事人可能連iPhone都唔識用,更加唔好講請咩打手去宣傳自己,最多係出名嗰堆會吸引到媒體去做訪問,其它咪繼做默默做街坊生意。偏偏猛烈南瓜會為食好嘢而去搵好多名不經傳,或者係我地後生唔識嘅食店去食好寫,仲要每次都係自己比錢食飯,然後用最純粹,分享好嘢嘅心去寫一篇又一篇食評。單單係依一點,已經值得一尊重。

早前比人踢爆參加大元試食之後係咁踩程班長個Page只係識係咁問人肯唔肯比佢地免費食飯然後做去拍,依個做法根本唔係一個真係鍾意美食嘅人會做。只係為呃飯食甚至呃錢嘅人,佢嘅「食評」邊會有半點可信度?佢根本連點形容唔同食物嘅好味都唔知。可惜嘅係香港九成九嘅「食家」都係咁嘅死樣,你話悲唔悲哀?

 

題外話,南瓜隔嚟本書個八婆,如果你出本講偷食經歷嘅書,我諗依方面你一定會好過南瓜兄。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 178261
Date: 2018-03-25 17:41:56
Generated at: 2022-12-09 12:51:56
Permalink: https://www.vjmedia.com.hk/articles/2018/03/25/178261/香港要搵好食評真係好難。