【神婆雜談】當你食飯時,對面坐咗一對玩交友 app 出黎見面嘅男女⋯⋯

 

香港地方淺窄,去食飯要搭枱係一件平常事,但搭枱都要講運氣,今晚我嘅運氣就極好,對面坐著一對男女,應該係玩交友 app 約出黎第一次見面食晚飯,咁佢地講嘢亦都好大聲,間接為我嘅晚飯時間增添不少樂趣。

方便大家閱讀,我幫兩位男女化名 Richard 同 Mary 啦。

Richard 明顯就今晚嘅約會打扮過⋯⋯雖然佢著到好似賣倫敦金啲仔咁,但當見到 Mary 後,佢嘅表情明顯由「準備開餐」嘅表情變成「又要見客」嘅模樣。

Mary 目測三十出頭,為咗展現自己高雅純真嘅一面,著咗件白色娃娃袖配茶色長裙,好唔好睇?唔知呀,森林系卦?可惜臉上佈滿幾厚粉底都遮唔住嘅暗瘡,同埋佢都幾圓的,未開聲之前的一度以為佢係前面張枱個小學生嘅阿媽,點知原來係妙齡女子佳人有約。

佢地坐低喺我對面之後,Mary 就率先打開話題。

「呢間係我教會啲朋友介紹比我架,我自己平時好少去啲咁平民嘅地方。」
「吓?妳返教會架?」

Mary 原先話自己返教會,可能係想加強自己「我好純架,唔係出開黎識架」嘅形象;不高聽到對方似乎唔受落呢一套,即刻就改口風。

「不過我其實唔信架,我覺得教會啲人好 strange。」
「哦。」Richard 望一望錶,可能唔想對方太難堪,加多一句「我細個都有返過嘅,不過好悶,我鍾意玩運動多啲。」
「我都有做運動架,我識打籃球游水⋯⋯」
「哦,我都睇得出妳運動型。」

聽到呢度,我忍唔住咳咗一聲,因為 Mary 嘅身型,比人話係運動型,一,就係串佢「做運動都咁圓嘅?」二,就係暗示佢「嘩唔怪得妳咁大份」。

Mary 好緊張,即刻澄清,「唔係,我好靜架,我鍾意音樂藝術睇書嗰啲。」

接下黎嘅對話,Mary 同 Richard 開始互相介紹自己睇咩書,書名不外乎大家行開書店會見到嗰啲「Top 10 暢銷書」咁,然後 Mary 聽到對方又識運動,又睇書,又外國讀過書(但我聽到 Richard 嗰間係野雞大學),個樣已經流哂口水。

咁 Richard 畢竟都係男人,就算對方唔係自己杯茶,不過仍樂得打下飛機,當佢講到自己係屋企九代單傳,父母想佢快啲成家之後,我見到 Mary 嘅神情,一臉傾慕。

細節嘅嘢我唔多講啦,總之食飯地方咁窄都仲咁大聲講自己身世私隱嘢,其實我好想同 Mary 同 Richard 講一句,咁樣真的好嗎?我連你地住邊、讀咩學校、邊度返工都聽到了,好彩我唔係做祈福黨啫。

重點,喺晚飯嘅尾聲,出現了。

Mary 好有教養咁抹抹嘴,「係噃,頭先見到附近好多酒吧,不如去飲杯嘢?」

我個心默默飄過一句:係呀,好多酒吧,仲好多時鐘酒店添。

「可以呀,我 OK呀。」正當我諗緊 Richard 會唔會食得唔好嘥嘅時候,佢臉不紅氣不喘咁加多句,「不過我住得遠,同埋我慣咗 12 點就瞓,同埋我好早起身做運動⋯⋯」

聽到呢度,我終於笑咗出聲,Richard 派檸檬都派得幾唔留手,早瞓住得遠,即係「最好唔好啦,飲都係坐一陣架咋,無下場架啦」咁嘅意思,可憐阿 Mary 聽到我笑之後,有少少尷尬,即刻叫埋單走人。

喺我嘆緊我杯茶嘅時候,我忍唔住諗,平時見客開牌,聽啲客講玩交友 app 嘅故事就聽得多,兜口兜面見到,都真係第一次。不過,咁做作地去認識朋友,真的好嗎?

是但,我食飽了,謝謝款待~

 

【塔羅牌個案分享】

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

  • 英國時裝品牌駐港高層:「我值錢因為我在香港,移民對我未算選項。」 by 白木乩
    「我老婆都有問我,我英國公司,是否可以申請調任?」…
  • 做人呀媽之後,我失去左好多女人「本能」 by Sunice
    做人呀媽有很多新增技能,在外人看來是彷彿變成了女超人一樣。但其實只有呀媽自己心知,一旦披上「母親」這個聖潔到發光的外衣,我們便同時失去了很多「本能」。…
  • 陳偉霆注定是香港人的一道傷口 by 阿享
    陳偉霆現在很紅,紅到他可以和香港完全切割。近年在大陸很紅的人,再怎樣也會偶爾在香港出現。佘詩曼因為《延禧攻略》爆紅,之後成了廠家寵兒,屢屢在香港大小活動出現。同公司的謝霆鋒,容祖兒等,雖然重心在大陸,但也會在香港開show,出歌。就算勢頭同…
  • 傷J人 by BEAR 兒
    低胸女徑自朝吧枱走去,被緊身裙包裹着的身體玲瓏有致。她走到男人旁邊,向酒保說了幾句,就在吧枱俯身等着,屁股翹得高高的。有容笑了笑搖頭說:「小婊子還挺厲害的。」…
  • 蔡東豪背後的金主靠山 by 渾水
    高振順是福建幫的財技高手。福建幫是股壇一個派系,這個派系的高手可以超高,高到做波鞋做廁紙都可以做到成份股,低手可以低到上市兩個月,主席夾帶私逃,將公司市值蒸發一半,港交所硬膠膠得個睇,這事還是近期發生,不謂不兇殘。關於高先生的介紹,網上很難…
  • 【武漢肺炎】做政府工真係人生贏家? by 文文
    各行各業都擔心緊減人工,被逼放no pay leave的時候,政府工又宣佈加5.26%人工。每年訪問大學畢業生就業方向,做公務員肯定穩佔頭三,特別係非專科(乞食科),例如各大專院校的文學院和社科院的學生,更加係一車車咁去考。而家呢個年代中五…
歡迎讚好我們的facebook page,免費資訊源源送上。

文章資訊

ID: 178528
Date: 2018-03-31 23:39:47
Generated at: 2020-07-05 03:52:55
Permalink: https://www.vjmedia.com.hk/articles/2018/03/31/178528/【神婆雜談】當你食飯時,對面坐咗一對玩交友-app