【真人真事】溝女前必須學習社交(三)——我唔要社交!我淨係要性交!

 

哈,我都未約洪大偉,佢已經打咗畀我。

「屌,Fayly,你上次介紹個Sally都唔掂嘅,傾咗幾日就已讀不回,正一死港女。」

「阿偉,不如出嚟食飯,我同你好好傾下啦。好冇?」

之後,我地就出咗嚟食飯,佢今次遲足1小時。

「你遲到喎。」我指出佢嘅錯誤。

「咁你約我呀嘛,同埋我都係遲少少唧,唔好意思囉。」佢連一句對唔住都冇,就逕自坐低,然後食枱上嘅飯。佢一邊食,一邊屌佢口中嘅Sally係港女,吊高嚟賣,但除咗已讀不回呢單嘢,佢都舉唔出咩例子,證明人地係港女。

「阿偉,你鬧人地唔理你同時,你都要諗下原因㗎。人地叫做Sammi,唔係Sally,你連人地個名都冇好好記住——」

「吓,好小事喞,佢唔係嬲埋啲咁嘅閪嘢呀?」佢打斷我嘅說話。

「佢冇提起過。第一次見面,你就話人地個look柒,人地會唔開心㗎。」

「哦,講真話又有錯?」

「好,你要咁真誠冇問題。但你都唔使咁直接啦?第一次約會,你就假定人地要同你上床咁,好啦人地唔肯,你就話人吊高嚟賣——」

「屌,條八婆乜都話晒畀你聽啦!」佢掟低餐具,拍咗一下枱,惱羞成怒。

「就算佢唔講,我都有嘢想同你講。阿偉,對唔住,我冇一早同你講你嘅問題。所謂見微知著,你同女女相處時,好多嘢要改善。例如唔好次次都遲到、唔好吹大自己份工、要讓畀女女坐先、等人地揀好先落order、食飯要夾錢、唔好係唔係都鬧人港女、唔好老馮要人益你。呢啲小事,已經係加分嘅地方⋯⋯」呢一刻,阿偉開始有少少慚愧。

「屌,講到尾咪又係要當你班女人係公主咁服侍。」

「我知你可以有一千個理由去駁我,但你亦心知呢個係事實,你喺社交上,仲有好多地方要改進,先可以——」

「啪!」阿偉好撚大力咁打咗張枱一下:「我唔要社交!我淨係要性交!」

呃,我呆撚咗。

哈,成間餐廳啲人望住我地。

呀,我知道仆街了。

嗯,我明白了。

我攞起部手機,WhatsApp咗個網站畀佢。

「咩嚟?」

「東莞人間孖八莉莉,講容生介紹會有八折,你book佢啦。」

我放低$500喺枱,拎起手袋,踩住高跟鞋,鎮定咁離開。

 

【真人真事】溝女前必須學習社交

(一)——我要早日出POOL 威俾啲港女睇

(二)——點解你畀伏我中?

(三)——我唔要社交!我淨係要性交!

 

作者:霏子

霏子
Fayly .Party Host .不務正業、自甘墮落 .香港大學主修文學及文化研究

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 178585
Date: 2018-04-02 19:35:45
Generated at: 2019-06-20 04:12:30
Permalink: https://www.vjmedia.com.hk/articles/2018/04/02/178585/【真人真事】溝女前必須學習社交(三)-我唔