【塔羅個案】集氣祝福!癌症康復者經歷老公出軌之後搵到真幸福

文教 / 最新文章綜覽

 

有時會見到網友嘅留言問「妳文章中嘅內容有時好誇張,是真的嗎?」

我喺度好遺憾咁同大家講:Sorry,所有你地睇完覺得「唔係呀?」「喂 Dramatic 過啲劇喎」嘅個案,都係真嘅;所有唔合理嘅故事,都係真嘅。人生如戲,或者就係咁解。

今次同大家分享 Elly 嘅個案,亦都係其中一個令我深深覺得「人生如戲」嘅故事。

Elly 早婚,有一個小朋友。佢同先生嘅關係,不濃也不淡,反正兩人都為生活奔波,而 Elly 嘅心力都放在照顧兒子上面,所以對於婚姻關係出現咗警號,也不甚察覺。

然後,有一日,Elly 身體不適,多番檢查,驚覺自己患上癌症。癌症發現得早,Elly 馬上就進行了切除手術,然而,打從 Elly 患病開始,佢先生就毫不客氣地外遇,把女人帶回家,亦對兒子不甚理會;對於病塌在床的妻子,更是不聞不問。

「我都唔記得佢有無黎睇過我。」Elly 淡漠一笑,不慍不火的語氣,彷彿口中所說的,是別人的故事一般。

迎接 Elly 出院的,是一紙離婚協議書,Elly 沒考慮太多,只是問了兒子的意見。兒子已是少年人,面對著母親的處境,懂事地點點頭,「我只想媽咪你開心。」

於是,Elly 開始了新生活。佢努力地堅強,又或者咁講,佢努力地假裝堅強;有多少次寫下遺書,有多少次站在天台邊緣,又有多少次,為自己的未來,半夜痛哭。

大病未癒,事業、前境,全是問號。

人生,陷入絕境。

每次阻止自己做傻事的,是兒子那張稚嫩但努力學習懂事的笑臉。

然而,Elly 始終算是幸運的。

病塌之時, Elly 認識了一位同樣患病的男子,對方比自己年輕,兩人當時經常互相鼓勵彼此,而這位男子,就稱他為 Ray 吧,一直聆聽 Elly 的苦惱,在 Elly 離婚後的日子,Ray 一直支持她渡過抑鬱的時候,一直幫忙照顧佢嘅仔仔,甚至,Ray 嘅媽媽都會整啲嘢請 Elly 母子食。

喺不久前嘅日子,我收到 Elly 嘅短訊,一段充滿愛與幸福嘅短片,內容係 Ray 捧著大束玫瑰花、唱住 Elly 最愛嘅歌,求婚的短片。

承諾會照顧妳一生一世,承諾會將小朋友視如己出,承諾不會再令妳遇上不幸。

妳願意接受這樣的我嗎?

願意接受不成熟的我,成為妳的丈夫嗎?

我望住條短片,望住 Elly 嘅笑容,再諗起佢經歷過的⋯⋯我感觸,我感動,眼角微濕。

Elly 希望我將佢嘅故事寫出黎,鼓勵所有陷入絕境嘅朋友,無人知未來會唔會更好嘅事等住自己,而家嘅生活或者真係好糟糕,不過⋯⋯

不過,如果可以,還是希望你能夠給自己的人生,多一次機會。

也希望大家祝福 Elly 喔:)

 

【塔羅牌個案分享】

後生女教友畀已婚傳教士搞大個肚唔認數

「我想分手,佢話唔好,不如去開房;然後我覺得佢仲愛我」

你話想生仔我咪唔避孕囉,我家下有咗你就叫我落?

名校老師婚外情的故事

四年入面,我睇住個客拍拖、結婚再離婚。

中環高薪厚職女強人求愛篇:我一覽眾山小,但係⋯⋯

有種客人的確可以活得 Single and Fabulous

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。