每天生存都要對住一堆身不由已的事，對住一堆可恨的嘴臉。一個人哭不是，發怒不是。浪費情緒在不對的人不對事上，很花力氣，也不覺他們是值得我投放任何情緒。然而，屈在心中容易打倒自己，鬱著鬱著是會鬱出情緒病來。最後還是需要個朋友情人，苦訴也好，安慰亦沒差。

啊X小姐喺同學聚會入面係咁講佢啲比仔煩嘅經歷，開口埋口都踩緊男人，完全冇理過在坐嘅我同另外兩個男仔感受。如果唔係大家讀埋同一間學校，咁啱第一年第一份Project個Miss編咗我同佢一組，我諗我同佢都唔會有交流。因為對佢嚟講每個想識佢嘅男人都係想同佢上床，個個都只係隻狗公。係嘅，佢係幾靚女，又識打扮，初初見到佢真係幾吸引，不過一相處落嗰種性格真係頂佢唔順，如果唔係依個聚會，我諗我都唔會再同佢同檯食飯。