其實由頭到尾,製造兩性對立嘅禍根根本就係啲女性主義者。

 

 

喺廿一世紀嘅香港,如果有兩個人無論生產力、年資同職位都係一樣,但女人係特登俾低啲人工嘅話,我諗唔會有人係覺得正常、應份、公平;喺廿一世紀嘅香港,如果你係公開反對女性有公民權、宣稱男人高尚女人低賤、鼓勵以強姦懲罰女人嘅話,我諗99.999%嘅人都只會覺得你係白卡一名。

其實問心個句,我都唔明白呢個世界欠左班女權主義者啲乜,係都要從中作梗,男人講多句就係mansplain,坐得閪就係 manspread,然後又可以無限聯想到話係入侵、插入、強姦、奴役。魯迅以前批評中國人一見到手臂就諗起裸體,然後就係性交,再聯想到雜交,更FF 埋去私生子。睇返啲女權閪嘅無限滑坡,我真係忍俊不禁,完全覺得依家啲人一講起女權就搭個閪字落去好似啲人笑鳩瘋狂基督徒係耶撚係呢班八婆自己攞嚟。

 

一、你係男人你係鬼

我唔知啲女權份子到底俾男人傷害成點,但好多時啲無理指控,例如「男性說教」同「男性開腿」然後無限滑坡落去強姦文化就真係地圖炮地指控每一個男人係「強姦犯」。喂大姐,你估得你班三八先會覺得強姦係錯架?大把男人都唔接受強姦架,但你地咁樣屈到一個手無寸鐵甚至閪都未屌過嘅男人係強姦犯,甚至佢嘅存在就已經係造成「強姦文化」咁撚大件事嘅共犯,你覺得一個正常人俾人屈一啲佢打從心底反對嘅事佢會唔會反感吖嗱?

根據非正式統計,大部分對耶教心存怨懟嘅人細個嗰陣都係曾經俾人逼過信教。一個人無情白事要俾人指控佢有罪,而個罪係盤古初開嘅阿當同夏娃搞出嚟但要自己承受返,作為一個唔信教嘅人梗係覺得痴撚線喇。同樣地,當一個普通人無啦啦被屌話係「父權壓迫」、「強姦文化」等等聽落去都要斬頭咁大鑊嘅指責,你覺得有幾多個人會心甘命抵去認?

 

二、子非魚卻知魚所思所想

對於大部分男仔嚟講,「強姦」呢個念頭真係諗都唔敢諗,最後都係跟「SM」、「多P 」等等事項存在於性幻想或harddisk 珍藏之中。但我真係不得不佩服女權主義者對「強姦」竭而不捨嘅尋覓--男人對女性嘅目光冇可能係單純,而係一見到女人就想撕開佢件衫,揸落佢對波、塞碌鳩落佢個口,指插佢嘅陰道。其實,會咁諗野嘅係病人而非男人。但啲女權主義者又好鍾意將所有男人嘅思想、行為、言語嘅最終目的都連結落強姦。可能你地當中真係遇過啲不幸嘅強姦,我唔會因為咁而狂喜話你抵死,但你需要嘅係撫平你嘅傷痛而唔係亂咬天下所有男人。大家為你打氣、鼓勵你係應該,但絕對唔應該係因為你嘅不幸而要我去承擔一啲我冇犯過嘅罪,同埋安安樂樂咁被屈,明白冇?

 

三、仇男本質

有時啲女權主義者,aka 女性主義者,好鍾意話「其實大家嘅敵人都係父權主義,男仔都係父權主義嘅受害者,女性主義係解放男性同女性嘅。」,講到好似好大愛好包容咁。但之後隨之而嚟就係不斷educate 女人有幾慘有幾賤而自己都唔知,XX 係陽具象徵、YY 係強姦文化、ZZ 係父權壓迫嚟製造被害意識;同時間又不斷指控男人做AA 行為係顯現陽剛,而陽剛就係父權主義所鼓勵嘅男性特質,所以其他冇咁有男性特質嘅人就會受壓迫,同埋你咁做又象徵入侵,係強姦文化,如此類推,不斷對男性製造罪疚感同自卑。最終,傳說中虛幻嘅敵人「父權主義」就只會以「男人」呢樣野存在於世上,矛頭最後都係指向男性。

 

四、不可一世,只拋書包

有時跟女權主義者解釋真係好氣餒,有啲戇鳩嘅真係會問「你睇過咩性別嘅書啊?」,說白了其實就係一班覺得自己係醒覺左,但其實只係一直自困於象牙塔嘅智者精英想講:「你冇資格同我講野啊,愚民!」,但對反對理據、現實情況一律無視,只認為對方「自己竟然成為成個父權系統嘅齒輪都唔知」而氣憤及輕視。冇鳩計,咁嘅心態多多少少都決定左女權主義者嘅小圈子終歸都係難被接受。自己高高在上educate 人就得,人地講就係 mansplain,你講曬。

 

五、雙重標準

其實女權主義者做咩都好,都冇「雙重標準」呢件事咁乞人憎。雙重標準之所以令人神憎鬼厭係因為受眾會覺得你自己推銷緊一件你自己都唔相信嘅價值係我,係欺騙、係無恥。先唔講嗰啲開口埋口女性主義解放男女但轉個頭地圖炮打所有男人都係強姦犯嘅人先。好多時候有啲野男人做就係投入強姦文化同父權壓迫,女人做就係解放性別。如此標準叫男人點樣相信「解放男女」?然後,又會有啲女權主義者突出嚟話你唔自己爭取,又話「我個派先係正統」之類去逃避反駁。我想講,如果你自己都唔信同唔做咁你講到咁偉大做乜春啫?同埋你地邊派係正統我撚知啊?你地派派都話自己先係正確架啦,派派都有批判其他派,但問題係你地炸到人吖嘛,要割蓆咪企喺啲受害者到幫手反擊囉,得個講?

 

現今社會大部分男女,尤其我呢個generation 都視對方平等。當然,有啲野我覺得係做得唔夠,例如成家係女人嘅我真係知道經痛係可以痛到成個人冇意識,所以我真係支持女性應該享有每月最少三日嘅生理假。男人同女人無論脾氣同諗野方式真係好唔同,有人問點解男人又唔自己搞個男權主義出嚟,我想講:「因為男人真係唔會一日到黑解構水渠係陰道象徵,盒係子宮縮影然後被害者上身幻想到「閹割文化」出嚟。雖然如此,男同女都可以好和平好正常咁相處,有嘈交都唔會跌到去敵我分明咁對立。真正為女人製造敵人嘅,其實就係啲一日到黑解析男人坐得衰、講多句野就係強姦文化嘅「女權」主義者。

 


 

睇完文有嘢想講?入嚟Gööp嘅「輔仁文誌」社群講兩句啦!
可以匿名發言﹑即時睇文,輔仁專屬嘅討論空間。
即上iOS App Store/Google Play下載「Gööp」手機程式,
碌緊手機嘅讀者可以撳下面條link開啟:
https://goop.ai/topic/vj178982/其實由頭到尾-製造兩性對立嘅禍根根本就係啲女性主義者?ref=vj.e

註冊成為用戶後,輸入社群邀請碼:

vjmedia

即可加入,
入面見!

 


 

關於作者:清風

清風

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。