《閨蜜2》係我睇過最撚垃圾嘅電影

 

 

四年前,黃真真嘅《閨蜜》上映,筆者有睇到。《閨蜜》嘅劇情唔精彩,但感情到位,引起到我共鳴。而且,我好鍾意小美呢一個角色,所以我都支持呢一部電影。

四年後,《閨蜜2》上映,我十分期待。點知,今集冇咗我最愛嘅小美,我真係勁失望。不過,我本住有頭有尾嘅心態,就睇埋第二集。屌你老師,爛撚到仆街。

1. 《閨蜜》嘅主演有六個,分別係陳意涵、薛凱琪、楊子姍、鍾漢良、余文樂同吳建豪。先唔講啲男主角全部冇晒,走咗一半原班人馬。好,部電影叫《閨蜜2》,女主角呢一班閨蜜先係最重要,係主角中嘅主角,但係仆你個街,而家楊子姍唔拍,三女缺一,你都可以拍落去嘅?第一集嗰句「永遠永遠在一起」呢?你求其搵多個張鈞甯就得啦?屌,我寧願你話小美拋棄姊妹,希汶同Kimmy互相扶持好過。講真,走咗咁多人就咪拍續集啦,劇本唔出色真係衰過得一集。

2. 講返男主角,余文樂冇拍,得把聲出演。最尾有個替身扮喬立背面,同希汶結婚,正面都冇,睇到呢一道我真係嬲到仆街。既然余文樂連客串都冇啦,點解劇本死係要加喬立入去?喬立仲要係成個故事嘅主因,因為佢向希汶求婚,四條女先會去越南玩單身派對。仆你個街,係要加佢,搞到個劇情勁牽強。九成係因為冇咗余文樂,劇本先會安排喬立用語音訊息求婚,屌,真係hea到仆街,畀著有人咁求婚,你都覺得冇誠意啦!

3. 好啦,要出發啦。希汶明知Kimmy同嘉嵐係死對頭,都叫埋佢一齊去越南,已經好唔合理。劇本又唔交代兩個人因咩事結怨,同埋點解希汶依然同嘉嵐friend,完全令人一頭霧水。兩條女一見面就互相嘲諷,啲對白誇張到小學雞鬧交咁,真係好弱智。

4. 希汶、Kimmy、嘉嵐同喬立細妹晶晶去到越南,小美終於出現——唔係,小美把聲終於出現。我本身都好開心,黃真真叫做冇忘記佢。仆佢個街,點知又係柒嘅。小美一個新晉導演,唔知邊道識咗個越南黑幫大佬陳寶山返嚟,仲要叫埋班女自己去參加人地個party,閨蜜呀,會唔會咁畀個伏你中呀?屌,我當一開始就係陳霞扮小美打畀佢地啦,咁個動機又係咩呀?完全無喱頭。

5. 四條女去到party,Kimmy因為唔見咗陳寶山隻戒指,捉住另外三條女走,先有後來嘅hangover情節。呢一部分又係on9到仆街,故事結局話Kimmy係唔小心吞咗隻戒指落肚,先搵唔到戒指。但當時佢只係戴住隻戒指,咬咗一下,點吞落肚?同埋吞咗咁大粒戒指,你自己會感覺唔到?

6. 三條女hangover之後遇上Dragon,嘉嵐仲同佢一見鍾情,然後上演一堆惡搞韓劇嘅嘔心情節,令人尷尬到想死。仲有一開始出場、挖人眼球咁撚勁嘅陳霞,竟然追唔上好耐冇打拳嘅Dragon同三條輕度弱智嘅女人,真係主角光環大撚晒。

7. 追完一輪去到醫院,希汶發現自己懷孕三個月,呢個安排真係太撚正。佢之前飲烈酒、逃亡、喺高處墮下小艇(小肚落地),咁都可以唔流產,之後仲去玩跳傘,佢個仔真係有生命力。

8. 一條生命我都算撚數,屌你老師,之後嗰百幾條人命真係仲絕。醫院停電停撚咗十幾廿分鐘,都可以冇後備電開返,畀Kimmy同嘉嵐喺黑暗中對話,好勉強咁令二人和好,入面要機器維持生命嘅病人咪死撚晒?

9. 屌,我最愛嘅小美都死埋。喺醫院,Kimmy接到電話,來電顯示係小美,點知佢地傾完,個鏡頭一轉,竟然係陳霞扮小美打去呃佢地。我屌,扮聲我都算,你點拎小美個電話打去呃人呀?小美係咪死撚咗呀?

10 .三條女同阿寶山和好,Kimmy發現失蹤嘅晶晶被魔術師困喺地窖,我屌,個魔術師係咪咁撚識玩,變走完人唔放人呀?仲有,晶晶呢一個角色真係冇重要性,冇佢成個故事都埋到尾(當然爛到咁無恥係點都可以埋到尾啦)。可能晶晶嘅加入係向《醉爆伴郎團2》致敬,但只係東施效顰,一個字——好撚柒。

11. 好啦搞完一輪啦,最尾三條友跳傘去婚禮,講埋啲懶係有意義嘅說話,回扣主題咁,我真係想鬧爆黃真真。Kimmy話:「嘉嵐、希汶,有你們倆陪伴著我,我甚麼都不怕。」我真係屌鳩你,劇情設定咗你同嘉嵐和好,但冇設定要你同小美絕交喎,你咁撚快就唔記得小美,真係怪唔知得人地第一集同你嘈到咁撚金啦仆街。希汶結婚啦,硬被加入劇本嘅小美都係冇出現,慘。

仆佢個街,呢部電影嘅爛位唔止以上十一點,真係太撚爛,罄竹難書。睇完我真係唔明,點解為咗要有頭有尾去睇《閨蜜2》,好彩我係自己一個睇,唔係真係尷尬到極點。

關於作者:霏子

霏子
Fayly .Party Host .不務正業、自甘墮落 .香港大學主修文學及文化研究

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。