【神婆雜談】客人分享特集:超低手男性搭訕女仔開場白&手法

 

唔知在座各位朋友有無被人搭訕嘅經驗?我覺得「搭訕」呢樣嘢真係一門學問黎,喺街邊有人埋黎叫你「幫手填份問卷吖」呢一種唔計,我指嘅搭訕,係對方擺明有意圖地搵你 R 水吹(無論係想識你、定係想叫你買嘢都好啦),總之就係「無嘢搵嘢黎講」,務求同你打開話題。

不過,好多時人都係會高估自己嘅說話技巧,或者係低估一眾女士嘅智慧的;今日我就同大家分享一啲都幾令人白目嘅搭訕手法或者開場白,當中有啲係我個人經歷,有啲就係客人同我開心 Share 的,聽聽埋埋,不如寫出黎分享,作為大家茶餘飯後嘅笑料又何妨。

 

(1)明知故問篇

舉個例子。Macy 擺咗張去食 Lady M 期間限定蛋糕嘅相上 Facebook,仲要 Hashtag #LadyM 咁樣,真係應該除咗盲嘅都絕對知佢食緊 Lady M 架啦。所謂明知故問,就係個男仔……姑且叫佢做阿明,阿明為咗同 Macy 搭話,想留言又唔知講咩,於是佢留咗一句「Lady M 蛋糕?」嘅留言諗住實無死啦。

係呀,實無死架,不過 Macy 會唔知比咩反應你好,其他網友見到都會心諗做乜勁咁樣。假設你明知 Macy 食緊蛋糕架啦,咪留一句「喂我都想食呢隻味!!」之類,咁咪開到話題囉。做乜要明知故問啫?

 

(2)扮哂專家篇

如果你覺得「明知故問」已經夠難頂,我諗大部份女性會更加討厭「扮哂專家」嘅搭訕手法。

同樣地用返面「Macy 食蛋糕」嘅例子,當大家都係比下心心、哈哈或者留言「#肥」「無份」「好似好好味」呢種基本網路溝通嘅時候,有時會有啲男性想突出自己,於是會無啦啦喺人地張相下面留幾行字嘅留言,例如係「千層蛋糕嘅基本材料其實係乜乜,整法其實係乜物,我整過唔難整,差唔多味。」咁樣。

對唔住呀,人地唔係想聽呢啲呀,人地唔會因此覺得你識整蛋糕係暖男黎架,除非人地本身對你有好感架咋!如果你只係想識人、想混熟,一黎就認叻扮專家,根據我個客阿 Macy 嘅講法,你只會落得「呢啲做朋友都無望呀!佢即係話自己勁過人地間蛋糕店呀?」咁嘅下場架咋!

 

(3)瓊瑤上身無限 FF 篇

講咗兩個網上嘅分享,我黎分享一個親身喺街經歷嘅。話說某年平安夜,約咗中學姐妹食飯,我喺 Sogo 後面等緊朋友嘅時候,無啦啦有個 Gel 頭 Gel 到硬到、我離遠都聞到佢啲髮膠味嘅男仔行埋黎。

「小姐,我望咗你好耐,有無人同你講過,你著到成身黑色咁,好有性格,好有賽車手嘅味道?」

正當我準備反白眼再行開嘅時候,佢繼續講,「你唔好介意呀,我只係覺得香港好少咁有個性嘅女仔,會著到全身黑色咁,同我真係好夾,我覺得我地有緣份。」

一,老娘我嗰期食肥咗,加上見姐妹求其著,先會著哂啲黑衫黑褲,一陣食多咗都無咁覺;二,我環觀企喺我附近嘅男男女女,冬天嘅銅鑼灣街頭,淨係企我隔離個妹豬都一樣係黑衫黑褲,仲幾靚女添。

我忍唔住笑出聲,「Sorry 你認錯人。」

「你唔信緣份?你唔覺得未開始認識就放棄一個機會好可惜咩?」

 

嗱,以上呢件真人真事,到今日仲係我班姐妹群入面嘅出色笑話,當然,大街大巷搭訕,我必須佩服佢勇氣可嘉,但自信過了頭便是柒了。

講咗咁耐,無非都係想奉勸各位男士,真係傾到計嘅,其實你係唔需要諗藉口搭訕的,特別喺香港呢個大家對陌生人好多時都心存警戒嘅社會,開錯咗個頭,你就真係回不去了。

我聽過嘅奇怪搭訕方式,當然仲有好多,不過今次就寫住咁多先;下次邊位靚女客黎搵我時,我都歡迎你繼續同我分享趣事架~

 

【塔羅牌個案分享】

 

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

  • 跟車太貼 by 健吾
    好像今天,由我看到無線新聞的報道,到有線新聞的報道,到我看到張議員把自己的修正案放到網路,我就有好幾個問題,一直哽在喉頭…
  • 關於夜總會的二三事 by 金魚小姐
    客仔方面,一晚坐幾枱,記得既真係唔係好多。所以分享既都係d 令我大吃一驚記到而家既客。最記得我第二日返工,坐左個五十幾六十歲既大叔。佢係退休警察,好記得佢話佢走果時攞左五百幾萬退休金,而家又個個月咬五萬長糧。(難怪就算黑警個名臭過屎渠都咁多…
  • 點樣分辨警察係唔係「毅進仔」?前人早有解決方法! by 彼得陳
    「警察份糧,有三份一值在比市民鬧,有三份一值在比上司鬧」。不過之後佢講嘅另一句,反而令我有所思考:「前面有個警察,你都唔知佢學歷咩野,佢心口無寫㗎麻,咁你點知佢毅進(畢業)呢?」。…
  • 我十八歲,打緊份暑期工叫坐枱 by 金魚小姐
    我今年十八歲,剛考完dse。上星期放榜,成績只有十六七分,不夠讀大學,在retake與副學士之間我選擇了後者。我沒有豐厚家底,只是一個行出街跌個招牌會砸死十個八個的那種公屋妹。高昂學費加上漫長暑假,無意中找到一份兼職,寫明非色情非身體接觸,…
  • 【塔羅個案】女人就黎三十歲仲係 A0 係咪就叫有問題? by 神婆
    好多客人同Annie一樣,廿歲尾三十頭咁樣,有份不過不失嘅工作,有幾個真心相交嘅姐妹,耐唔耐去下旅行,過住平凡踏實嘅生活。你問Annie開唔開心?又無話唔開心嘅,朋友我有呀,份工麻麻地、但又唔算好差,但係,隨住年紀漸長,身邊啲姐妹開始結婚啦…
  • 有無見過人搵工,係完全唔俾聯絡資料人事部? by HR 扮工週記
    無留手提電話號碼,哩樣又係特別咗少少,哩個年代差唔多個個都有手提電話,好多應徵者都會將個聯絡電話寫喺頂頭。講係咁講,但又有啲人會留成幾個手提電話,大佬呀,係咪要小編逐個逐個打俾你,先知道佢邊個開咗機?…
歡迎讚好我們的facebook page,免費資訊源源送上。

文章資訊

ID: 179348
Date: 2018-04-20 22:54:36
Generated at: 2019-07-21 07:07:07
Permalink: https://www.vjmedia.com.hk/articles/2018/04/20/179348/【神婆雜談】客人分享特集:超低手男性搭訕女仔