揚州炒飯與女權

 

 

最近揚州炒飯有冇蛋成為咗一個話題,雖然好多人都話揚州炒飯一定要有蛋,但到底點樣嘅配搭先叫真正嘅揚州炒飯?我食過配叉燒粒嘅,又食過用腸仔炒,配搭再唔同都好,個個都叫自己揚州炒飯,個標準亂到得人驚。

同樣女權主義班人嘅標準一樣。

我唔明點解女權開口埋口話佢地追求嘅係平權,平等,但佢地做緊嘅嘢同平等冇半點關係:女廁要多過男廁(係啊我知女人去廁所要耐好多,但依個唔係平等好冇?)、比人侵犯一定係女人、咸濕一定係男人、食飯男人比錢係紳士、女人比錢就食軟飯、女人釣到金龜係本事,男人靠女人養係冇用⋯⋯我真係睇唔到平等在哪裡。你話沙特阿拉伯阿聯酋依啲生番國家,女性要爭取要求變我係舉腳讚成,但生活喺香港嘅女人仲有啲咩要爭取?嫌你男朋友今晚請你餐飯埋單唔夠一千悔辱你身份矮化你價值?定係坐地鐵對面個男人唔望你係輕視你但望多過一秒就係想強姦你?你可以話我咁樣講好過份,但我覺得而家香港嘅女權霸道嘅地步已經同佢地口中最討厭嘅父權冇分別,甚至更加超過。

好多女權口中嘅自身弱勢地方已經比佢地用嚟將自身利益冇限擴大,甚至以弱勢為理由,將所有壓力同罪名加落去佢地口中「強勢」嘅男人。試諗下如果話自己被迫同謀,冇殺過人嘅小草係男人,佢又會唔會可以甩到身?又或者如果當年講自己好傻好天真嘅係陳冠希,換嚟嘅會唔會係一堆粗口?咪住先,點解依件閃卡事件受害嘅一定係鍾欣桐張柏芝,而陳冠希就一定係賤人係玩家?咪就係因為女性一直向社會灌輸一種「女人係弱者」嘅觀念,然後喺出事嘅時候乜都推哂比男人,自己係比人害,比人屈——雖然係自己主動影相拍片仲要擺哂Post。

對香港嘅女性嚟講,爭取平權唔但止唔會對自己有半點好處,甚至可以話會令佢地嘔返而家擁有嘅嘢:如果考紀律部隊男女體能要求一樣、如果你同男朋友想結婚反而比男家要求你有樓,更甚係想嫁的你要向男朋友主動求婚、如果供樓你要負責比一半、如果再冇人請你食飯,飲嘢再冇Ladys Night、如果有一日你無啦啦比個男嘅屈你強姦,你又會唔會覺得依個咁男女平等嘅香港,真係你想要?你可以話我咁樣講嘢好難聽,把口好臭,但我可以同你講有更多更過份但更真實嘅嘢我已經冇寫出嚟。

其實香港地最唔想平權嘅就係口口聲聲話要爭取嘅女權份子,所謂嘅爭取只係佢地用嚟轉移視線,唔想比人發現自己先係權利過份膨脹嘅一員。平權?情人節變返女人送花先再講啦。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
  • 《無限斜棟有限公司》的政治意味 by Terence Yun
    除了三人家庭背景在暗示著一些政治符號外,其實這個三角戀也是一種暗示,盧慧敏周璇兩人之間,兩位男方常強調要求盧決定選擇其中一個,但盧知道兩人都是她的所愛,不能沒有任何一個,不可以失去其中一個,所以盧非常強調不願意選,不想選擇,她只想唯持現狀,…
  • 梅艷芳與姜濤——看一個時代的轉變 by Terence Yun
    香港娛樂產業一如早前提及是需要投資,不能短視,長線投放資源,才能培養一代藝人…
  • 葉劉請你遠離Mirror by Terence Yun
    政客向來都是嗜血的動物,見到一些市場上有價值的,便會撲過去拿著數,Mirror近期火紅,政客們也不忙關顧一下。有人提議姜B打針以鼓勵年青人打針便是例子,而花姐亦很懂技術推卻,可見她是一個高手。建制政客也不會執輸,葉劉淑儀建議Mirror同E…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
歡迎讚好我們的facebook page,免費資訊源源送上。

文章資訊

ID: 179445
Date: 2018-04-24 06:30:58
Generated at: 2021-05-15 15:56:52
Permalink: https://www.vjmedia.com.hk/articles/2018/04/24/179445/揚州炒飯與女權