細個嗰陣時政府仲未戇戇鳩鳩禁止散養家禽，阿婆間唔時會入元朗買一堆雞苗返嚟養，所謂「雞苗」，其實就係雞仔，總之阿婆一帶雞苗返屋企，我、細佬同堂弟就會好似食左過期忽得咁興奮，因為城市人真係唔會明白訓喺個紙皮箱到俾一炸成身黃金金絨毛嘅雞仔喺度吱吱吱吱吱吱包圍係有幾咁得意。嗰陣我地成班細路會成日唔聽大人話，放啲雞苗出嚟大暴走，玩到不亦樂乎。
啲雞苗大起上嚟真係好快，幾個禮拜就已經會唔同養，雖然成日玩但其實都唔知邊隻打邊隻。當然，玩玩下都會有感情，所以到劏雞嗰日我地啲細路都會唔開心同喊。但夜晚飲雞湯食雞脾個下，啲大人就會話俾我地聽：「如果你唔想對阿雞唔住嘅話，你就應該要飲乾淨碗湯，食乾淨隻雞，係咁阿雞先唔會死得冤枉。」
但呢啲大人又係唔係冷血呢？旺旺死嗰時，佢家人個個喊到豬頭咁，冇一個會講埋哂啲生老病死嘅廢話。其實唔係啲大人冷血，而係大人好清楚呢啲雞終需要食用嘅食物，邊啲係如同親人般嘅寵物。食物同寵物，係有分別的，為左防止堅守呢個分別，所以啲雞苗唔會養一年半載，幾個月就會劏，而且啲大人除左餵食同清理之外都唔會點走去玩雞仔。
而食物變寵物又有冇可能？我聽老豆講，嗰時逼我飲曬碗湯嘅姑媽，細個都因為阿婆劏鴨而嬲過幾個月冇啋阿婆。話說當時有隻鴨特別伶俐，識得去屋企門口接姑婆返嚟，又會跟住姑媽尾，姑媽特別鍾意呢隻生性嘅灰鴨，仲同佢起名。有段時間，屋企其他家畜家禽都劏左，係淨返呢隻好似寵物咁嚟到，所以大家都當左呢隻鴨係寵物。點知有一日，屋企有人嚟，阿太就劏左隻鴨招呼人客，姑媽返到屋企先知寵物被食，立即怒得不可開交，並責怪阿婆冇保護到鴨鴨。好一段時間，姑媽都唔食任何鴨製品，以表哀思。
不過，人始終要成長，接受世上有無能為力之事，接受為求生存必須飲食有道；如果堅持不想殺生，則可以選擇茹素；但若一邊大嚼葷肉，一邊指責殺生變態，則是虛偽。不過，現代今日，成熟者寥寥無幾，虛偽之輩橫行，所以先導致今日嘅亂世而已。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2018年5月1日
