好有錢嘅家庭會先引入私家自動車，老人家要出門，太太要去行街，細路要去返學，工人要去買餸，佢地會炒咗個多咀、八卦同花錢嘅司機，自動車隨傳隨到，唔會走咗去唔知邊度，安全、可靠，更加唔需要管理。見識過大戶人家就知，佢地嘅所謂「下人」，係好好福利架，鉅富如李超人，會送層幾百萬嘅樓俾退休嘅家傭。有錢佬寧願俾多兩個錢，好過有內鬼爆陰私，甚至有挺而走險嘅去標老闆參就得不償失。總之管少個人，善莫大焉。我估計，自動車落地之日，就係嗰啲私家車司機失業嘅時候。