【真人真事】timing 唔啱就只可以做後備

 

今次,講個一男一女的故事。

當年我仲係 junior,入職未夠一個月就比個 senior 揀中去珠海出 job,senior (阿 Sam) + semi-senior (Calvin) + junior(我),一行三人,兩男一女擇日出發,預計六日完 job。

落船後跟客方代表去酒店 check-in,兩個 senior 一間房,我自己一間,一切安頓後,食完午餐就跟客人過工廠。首先 Sam 去見大老闆,交待一下今年個 working schedule,與此同時,Calvin 帶我去財務部準備開 job。

第一二三日好快過去,工作亦很順利;第四日 Sam 突然話唔舒服,想留在酒店休息,又話唔想傳染 Calvin,所以自費租多間酒店房,自己搬咗過去。經過三日一齊做嘢一齊食飯,我同 Calvin 開始變得熟絡,就在 Sam 病咗呢一日,Calvin 講咗啲八卦嘢我聽。。。

Sam 喺公司做咗七八年,唔少 junior 跟過佢,Calvin 係其中一個,另一個係 Ceci (依?Ceci 係唔係老闆秘書?) 係呀,同一個人!(咁得意?做做下 audit 轉秘書?)係咁的,聽聞當年 Ceci 畢業無耐就入職,初初做 audit junior,跟阿 Sam,好似話佢兩有啲曖昧嘅,做咗半年左右,老闆秘書辭職,老闆就問 Ceci 有無興趣轉做秘書,就係咁,Ceci 由跟阿 Sam 轉咗去跟老闆喇。

兩年過去,表面上,Ceci 有 Ceci 嘅生活,Sam 有 Sam 嘅忙碌,而且佢哋各自都有自己嘅男女朋友,本來大家對佢兩個曖昧傳聞開始淡忘,但係有一次公司 annual dinner,阿 Sam 飲大咗,喺隔離 Team 同事面前大聲講:比返 Ceci 我!

Calvin 越講越多,到之後 Sam 結婚,Calvin 都係坐上客,佢話今次輪到 Ceci 飲多咗,Ceci 走去同新娘子講:人哋話我同 Sam 係公司金童玉女,你話呢?

Calvin 話,其實 Sam 應該差不多可以升做 Partner 的,但係佢對老闆始終有點恨意,又捨不得 Ceci,所以一直拖拖拉拉,唔做 Partner,又唔走。

當晚 Sam 無 join 我哋晚飯,第二日佢攞多日病假,直至第二日中午,Calvin 收到同事口訊,問佢見唔見到 Ceci?同事話 Ceci 請咗兩日 annual 喎。

噢!原來羅生門呢類故事,唔係淨係聽歌睇戲才有的,如果 Sam 同 Ceci 真係相愛?點解唔可以走埋一齊?

我身邊那位智者答:葉念琛話,timing 唔啱就只可以做後備!

 

 

關於作者:沒有句號

在職媽媽,出來社會工作超過20年,見證了人性的可愛與可恨,很想把這些故事寫下來。

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。