【真人真事】IT 部Paul 哥,last day 教曉我的事

 

 

今日有啲 Sad。

IT 有個 VP,Paul 哥,做咗三年幾,初初加入公司已經覺得佢有點梁家輝在 <黑社會> 中大 D 的滄桑感。識落之後,間唔中都會一齊食下飯,每次食飯都好開心,因為 Paul 哥一啲都唔宅,佢以前做過幾年 Forex,見盡玩盡好多『好嘢』,每次食飯佢都有好多 funny 經歷同我哋分享。

其中一次,佢教我哋廣東粗口五大字,原來五個字當中,有四個是形容男性的,而四個字又分別講緊不同形態的男性生殖器(我哋追問是甚麼不同形態?Paul 哥唔肯講,佢叫我哋自己 Google!)又原來將粗口放在句子中不同的地方,是有不同意思的;名詞先定動詞先?定是名詞加動詞再加名詞?每個年代都有不同的做句方法!

Paul 哥就係這樣真實的一個人,佢可以將一件好貼地嘅事用學術角度講出來。

今日食完 lunch 返嚟,收到 HR email 要開票比 Paul 哥,佢今日 last day!咁突然?我即刻去問 HR 發生咩事?簡單嚟講,公司 politics 加又係個阿媽嘅八婆嘢,令 Paul 哥中箭!

講真,Paul 哥係有料之人,相信佢出去搵工絕對無問題,只係有啲戥佢唔抵!又覺得公司係唔係可以做得好啲啲,令到件事無咁醜陋呢?

到五點,我哋幾個女仔買咗雪糕雪條入 Paul 哥房一齊 farewell,之前佢答應過會講次東莞見聞比我哋聽,就襯今次機會,佢講咗 「莞式服務」 。。。

九十年代,Paul 哥做緊 Forex,每日朝早返公司瞓,瞓到兩三點就幾個同事圍賭,可以一個下晝輸贏上落三四萬面不改容,夜晚陪客又飲又食又玩,生活糜爛,每個月有六位數字收入,當時年薪過二百萬,Paul 哥形容自己:呢啲錢同做鴨一樣咁辛苦賺回來!

有一次,陪幾個客上東莞,到埗後兩點幾,第一時間去洗頭(下?洗頭?)唔係洗上面個頭!玩家正式玩之前要先嚟個熱身的!(我哋幾個 O 哂咀!)之後去食飯,食完飯揼骨,揼完骨就進入戲肉了!

首先個場,成個會展咁大,分開三個 Block,分別有唔同主題,入到其中一個 Block,目測起碼有二百個女仔,全部著曬三點式,每人膊頭都有個號碼,當中又有分 ABCDE 五個級數,然後一人派一張點心紙(下?點心紙?)就係 「莞式服務三十六式」 個 list,客人可以選擇自己喜歡的招式,無上限任選,跟住一人帶一個(或者兩個或者幾個)女仔入房,Paul 哥話佢攪咗未夠十式已經頂唔順,好 L 攰,但係佢班客,攪足五個鐘!攪完仲要去消夜,第二朝一早返香港,直接返公司,到公司無耐,就收到客人通知,有五球!美金!生意比佢!

Fion 突然問:咁點解你會轉行?

Paul 哥一面唏噓答:有一晚返阿媽屋企食飯,煲咗湯,阿媽攞咗啲湯渣,攞埋碟豉油出嚟,我一食就即刻吐,同阿媽講,啲豉油臭嘅,變咗喎!

阿媽試完之後話:唔係啲豉油變,係你變咗啫!

嗰一刻,Paul 哥醒咗,佢知道唔可以再係咁落去,咁啱做完 body check-up,醫生話佢有脂肪肝,每日食好嘢又如何?親人呢?健康呢?賺咁多錢又點呢?第二日就返公司辭職了。

我:咁媽媽見到你浪子回頭都應該好開心吖。

Paul 哥:媽媽都唔喺度好耐了。

此刻腦中突然記起曾經讀過 FB 一段分享:

有人問達賴喇嘛:「關於人性,最讓你感到驚訝的是什麼?」

達賴喇嘛說:「人類為了賺錢,他犧牲健康。為了修復身體,他犧牲錢財。然後,因擔心未來,他無法享受現在。就這樣,他無法活在當下。活著時,他忘了生命是短暫的。死時,他才發現他未曾好好地活著。」

 

 

作者:沒有句號

沒有句號
在職媽媽,出來社會工作超過20年,見證了人性的可愛與可恨,很想把這些故事寫下來。

閱讀後覺得好,請多多讚好及分享~:)

其他熱門文章

  • 【PR】傳奇戰略遊戲系列回歸《Company of Heroes 3》2022 年 PC 平台上架 by VJGamer
      《Company of Heroes 3》戰役大解析影片公開 傳奇戰略遊戲系列強勢回歸。到美不勝 […]…
  • 《哪一天我們會飛》:從前有一個人,佢追求夢想,後來,佢死咗 by 江澄
    不過全齣戲教我最不舒服的是很多人讚,最後很多只模型飛機在獅子山前翱翔那幕。沒錯,畫面是很美,這場戲也有point,既達成了余鳳芝同時放一萬隻紙飛機的夢想,同時也是悼念早逝的好友。只是,回學校做這件事也算了,為什麼要一班完全無關的師弟妹參與,…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 《三夫》– 肉慾背後的香港眼淚 by Kenneth Ng
    整套《三夫》有一半時間是性愛場面,但看的時候一點快意一點賞心悅目的感覺也沒有,反之是看得膽顫心驚、滿腔沉重。 […]…
  • 我去做占變大隻小鮮肉,去做愛至少有快感,我去遊行,然後呢? by 健吾
    昨天,去派對,見到第一個認識的人,是在雨傘中,天天瞓街的一個小孩。那時候小孩俊美得很,卻乾瘦一點。昨日再相逢,已變成一個肌肉小鮮肉。胸罅可以夾爆西瓜那種。他一群人,去曼谷瘋狂跳舞派對都不會再去一一大遊行,這代表什麼?是共產黨太厲害,還是反對…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
歡迎讚好我們的facebook page,免費資訊源源送上。

文章資訊

ID: 180444
Date: 2018-05-17 04:37:09
Generated at: 2022-01-24 11:18:45
Permalink: https://www.vjmedia.com.hk/articles/2018/05/17/180444/【真人真事】it-部paul-哥,last-day-教曉我的事