與其搞八段錦app,不如做科技白手套仲好

 

 

八段錦app 都可以批得出,創科局的創意可謂無限到一個點。一批就四百幾萬,雖然納米樓都未必買到,但係至少都好過大學入面搵funding嘅教授的慘況嘅。

不過現在或者不需要睇班創科局的無能行為及其面口,中央決定開放國家科研撥款的政策,香港可以直接向國家申請撥款而不需要在中國大陸內做科研,可以在香港搞。仲要係習主席御准批核,當然全國及港府都即時做野啦,大大叫到,唔通仲拾下拾下咩。

中央有張咁嘅牌,自然要你做返少少野啦,時間如此配合得天衣無縫,就係輸入專才的申請加快。每年一千名專才來港,預料大部份都會係來自中國的專才,這是大家唔講都會知道同預左。

又同一時間,看看國際大局,中美關係緊張,中方被美方有關技術限制成了孫悟空的緊箍咒,中興一役成了一塊照妖鏡。如何在這個局面帶來改變,長遠而言當然是做自我深度的科技研發,但是短期則需要找外援協助。

香港昔日成為中國的資金中轉站、窗口城市,金融地位不變,非常有用,現在也需要轉型就是做中國的科技窗口中心,為中共的政治佈局作出貢獻。現在美國一方面限制技術入口到中國,而香港是單獨的經濟領域時,香港的功能便有其作用,如透過香港輸入有關技術等便是中國的「想法」。

不過美國會唔會咁蠢呢?明知你搵香港做白手套都照比技術你呢?

但對於香港今天的社會環境,橫掂都係比人操控,創科局這些只懂見過Steve Jobs未嘅局長領軍時,中央又有大水喉,大家都係向錢看,有得拿就當然去拿啦,唔通等幾時。大陸做科研,一個龍芯晶片即使出唔到都可以拿幾個億時,咁我當你流流地推款AI健康醫療晶片做面研發項目,聲稱用香港醫院大數據,配合大灣區發展潛力,加上香港著名醫療體系的公正性,點都拿到一兩億做前期研發都得掛。

或者講得好衰,但如果你唔向錢看的話,依家香港政府問佢拿funding難過登天,除非你係什麼同鄉會就得的話,咁不如去遠d,問中央拿都可能會比下你都唔奇,至少人家都可能會見你是香港項目,有點地緣政治功能,批比你都好呀。

橫掂國師都話中共大灣區正在推展佢嘅城邦中共版啦,咁就要上馬啦,仲等咩。香港人唔好執輸呀。建制一早拿了蛇齋餅糉,你也要拿點福壽膏吃啦。

 

伸延閱讀

本地大學科研項目可申請中央政府資金 城大:非常歡迎

政府科技人才入境計劃 一年輸入1000名內/外地人才 快速批核簡化手續

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 180459
Date: 2018-05-17 19:30:02
Generated at: 2020-06-05 20:33:50
Permalink: https://www.vjmedia.com.hk/articles/2018/05/17/180459/與其搞八段錦app,不如做科技白手套仲好