【真人真事】條件唔錯但十年冇拖拍(一)——二十五歲眉清目秀身材豐滿性格爽朗,A0?

 

(圖文不符)

 

你地有冇女性朋友係「奇女」?即係條件唔錯,但一直冇仔溝,十分出奇嘅女性。我身邊有一位奇女,佢去完我嘅party,我開始明白奇女冇拖拍嘅原因。

一年前,我打街波識咗Ada。Ada今年二十五歲,任職ACO。佢嘅外表清秀,身材豐滿,可以話係中上。同時,佢嘅性格爽朗,好傾得計。就咁睇,Ada一定有拖拍啦?我勢估唔到,佢單身咗十一年啦。

「唉,上次so-called拍拖已經係中二啦,」打完波,Ada同我坐喺球場傾計:「估唔到咁就單身到而家。」

「你讀書嗰陣冇機會咩?」Ada喺樹仁讀英文,都叫有啲仔掛?

「屌咩,樹仁太細啦, soc同hall都冇咩好玩,英文又少仔!仲有呀,啲姣婆好狼死㗎,我又冇佢地咁姣喎,點爭呀!」

「咁你又打波又去蒲,點都有人追下掛?」

「有呀,一係阿叔,一係柒㗎囉,屌咁不如唔撚好拍⋯⋯」

「咁又sad咗啲,我下個月有個party,你都嚟呀!」就係咁,我決心協助Ada出pool。

翌月,Ada同咗朋友Polly嚟咗我個party,Polly係幼稚園老師,外表正常,不過有少少肥。講返Ada,佢今日冇著到波衫,換上一身斯文衣服,加上少少淡妝,真係正㗎。成晚我都有留意住佢,佢同咗唔少男士傾計,似乎情況唔錯,我都暗暗高興。

Party完咗,我捉住Ada問:「喂,點呀,今晚有冇同人交換contact?」

「唉,得一個咋。Polly有五、六個呀。」Ada有啲灰心。

「吓?估唔到喎,咁問你拎contact嗰個係咪Gary?」我見Gary同Ada傾咗好耐,就問多兩句。

「我都想呀!但唔係,係Sam問我拎。」Sam係嗰種見女就拎電話嘅人,同佢交換contact的確冇咩值得開心⋯⋯

「唔好灰心住,你返屋企先,我再搵你!」我送Ada出去,再衝返去留低Gary。

「喂Gary,有嘢想請教下。」我請咗Gary去飲嘢,問下佢諗法。

「唔敢當,不過你問到,我一定答嘅。」Gary真好。

「我見你今晚同Ada傾得幾開心喎,你覺得佢點?」

「呃,我鍾意Polly多啲,哈哈!」吓!竟然!其實論外表,Polly真係比Ada遜色,佢有成五、六個contact我已經奇怪,估唔到Gary都咁講。

「點解呢?老實講,我覺得Ada靚女啲喎,哈哈。」

「呢個係真嘅。不過,佢有少少八婆囉,哈哈。」原來,Ada的確好傾得計,但佢同人地傾唔夠十句,就講起工作嘅是非,罵其他女同事係八婆,令人唔想傾落去。而且,因為佢太想表現自己,有時會爭住嚟講,又係咁加粗口喎,人地只可以聽佢blablabla。

「相反,Polly會分享下幼稚園嘅好笑嘢,又會聽下我講嘢,感覺幾nice。佢唔靚,不過同佢相處舒服好多,哈哈。」

噢,我明白了。有時唔係talkative就得,說話嘅內容同多少都好重要。男女喺party第一次見面,本來係開心嘅。如果識咗冇耐,就講一啲負面嘅事,會令大家都唔開心,好尷尬。同時,每個人都想展現自己好嘅一面,想有人留意佢。如果自己爭晒嚟講,對方冇機會分享下,就會感到沒趣。所以,傾計時要表現自己,同時要做一個聆聽者,令對方感到受尊重。適當時,可以問一兩句,俾位佢地分享威水史,讚下佢地,或者會加分。我相信,大部分人都鍾意有人欣賞嘅。

之後,我同返Ada賽後檢討,希望佢下次可以做得更好!

 

【真人真事】條件唔錯但十年冇拖拍

(一)二十五歲眉清目秀身材豐滿性格爽朗,A0?

(二)——你ig 日日放負?

(三)——不如你試下貼波?係打波

 

作者:霏子

霏子
Fayly .Party Host .不務正業、自甘墮落 .香港大學主修文學及文化研究

閱讀後覺得好,請多多讚好及分享~:)

其他熱門文章

  • 【BNT-020】為保住工作的女生注射了疫苗 by 柚希
    她解開襯衫最上的兩粒鈕扣,輕輕的向左邊拉下襯衫露出少部分的黑色胸罩跟小麥色的肌膚,教男護士呑了呑口水。「消毒完喇,會有少少痛,忍一忍吓。」「嗯。」Jess緊閉眼睛,憶起工作上的瑣碎事情嘗試分散注意力。「打完架喇,小姐你去休息區坐到紙仔上嘅時…
  • 【遊戲介紹】開放世界生存動作 《V Rising》多人連線與好友重建吸血鬼王國 by 五木
      「我不做人啦!JoJo!」呢句名台詞令人類開始嚮往做吸血鬼,早排進行搶先體驗嘅新作《V Risi […]…
  • 18年後再次見到中國人,佢露出巨龍打招呼 by 薰華
    首先,我哋要了解下秦漢時嘅人係點坐嘅先。今日我哋會坐喺櫈上面,其實係胡人帶嚟嘅文化嚟,早期華人嘅正式坐姿,就係今日日本人嘅「正坐」,係坐喺地上面嘅,而呢種坐法,冇練過嘅話我真係寧願唔坐。…
  • 自己嚇自己事件簿 by 小盛女
    「架車有無開到左搖右擺先?車速如何?條路係咪好窄?呢度係咪交通黑點?要用理性去分析你擔心緊嘅事會發生嘅機率,然後你就會發現其實只係自己過份擔心,杞人憂天啫。」…
  • 老師話同性戀唔啱,應該點答返佢? by 外賣仔
    如果一個「老師」話同性戀唔啱,你哋拍拖係錯嘅,千祈唔好諗住抗衡話同性戀無嘢先,因為呢個「老師」已經預設咗呢條問題,佢啱,但你錯。呢個時候你要先更正佢條問題先,記住,係更正佢條問題先,因為你面對緊嘅對手其實係一個白痴同埋低能嚟嘅,根本對同性戀…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 180612
Date: 2018-05-22 06:16:41
Generated at: 2022-05-24 16:37:31
Permalink: https://www.vjmedia.com.hk/articles/2018/05/22/180612/【真人真事】條件唔錯但十年冇拖拍(一)-二