基督式性愛

 

 

呀輝是一個中醫師,去年畢業沒多久就跟同學合資開了間診所「濟世為懷」。

「太狼,跟住落嚟我要講嘅嘢,你要綁好安全帶先好聽。」他一口把杯裡的剩下的麥茶喝光,臉上卻露出一種喝伏特加的痛苦表情。

「呢對夫婦好後生,第一次上嚟嗰陣,話想要一劑『多仔茶』。佢地脈象平穩,身體都冇乜大問題,除咗多仔茶,我仲開咗啲滋陰補腎嘅沖劑俾佢哋兩公婆。」

呀輝豎起了三根手指頭「三個月之後,佢哋又嚟咗,話啲藥冇料到。原來佢哋已經結咗婚三年,三年間keep住有性行為,但一直受孕唔到,佢地擔心自己係不育不孕。」

我點了點頭,畢竟在這種生活節奏急促的大都會,不要說不孕不育,連不舉也是常見的問題;因為土地問題,舉了也沒地方「辦事」。

「一般遇到呢種情況,我都會重新深入了解佢哋之間嘅性生活情況,話曬讀醫,點都要了解下先可以對症下藥。其實問嘅問題好普通,都係啲平時行為嘅情況,同埋夫妻對各自以及對方性器官嘅了解咁。就係咁簡單嘅問題,但啲回應一啲都唔簡單……」呀輝又倒滿了一杯麥茶喝光。

我心如火燎,又不好意思催他,只感覺到這將是一件非同小可的都市奇聞。

「太太嗰邊,佢原來唔知自己陰部有三個窿;一個人竟然連自己身體結構、屙尿喺邊個窿出都唔知?咁唔知都算啦,對性生活問題影響唔大。問題係先生嗰邊,佢地呢三年嘅性交係從、來、冇、擺、過、入、去!」呀輝已經「肉緊」地握住了拳頭。

「吓?我唔明。」我腦袋有點跟不上,滿腦子都是「黑人問號」。

「佢地話自己雙方都係虔誠嘅基督徒,雙方從來都冇睇過AV,每次性交都會覺得好羞愧,所以一直以黎都係喺全黑嘅環境下進行……喺出面磨吓磨吓就射咗。」

我正想大笑,但呀輝臉上的難過的表情卻令我十分疑惑。

「我真係覺得好難過,點解宜家呢個年代仲會發生啲咁嘅事。結咗婚三年,竟然完全冇體驗過性帶嚟嘅歡愉!究竟要虔誠到咩地步先可以對性咁抗拒,甚至仲感到羞愧?喂你都做過基督徒,乜咁癡線架咩?」

「唔好意思,我唔答呢啲咁無聊嘅問題。」我作了一個老古董的表情。

呀輝也毫不客氣地回我一個中指。

我實在有點汗顏,中學有基督教背景,因緣際會下也做過幾年的「基督徒」,而基督徒對於性這方面的知識和態度,的確有點「煒疾忌醫」的感覺。

我聳了聳肩膀「其實呢,基督徒都分好多種,有真有假,有邪教有異端,你知我對性愛係幾咁『不遺餘力』架啦!唔係個個基督徒都係咁……咁『特別』嘅……」

「我事後睇咗啲關於基督教嘅資料,原來連聖母瑪利亞懷上耶穌基督都係靠意識於夢中受孕,上帝教佢地乜嘢係愛,但冇教佢地如何做愛。唔通真係可以靠日日祈禱就可以有仔生咩!」

呀輝說的話我無法反駁。在香港生活的壓力大,生存的壓力更大,許多人都需要信仰來支撐自己的精神生活。宗教信仰就是最為普遍的精神支柱,可是我們的人性往往會不自覺地依賴一些人、事或物。

任何信仰都可以成為生活的一部分,但如果生活只剩下信仰,只依賴信仰,生活在幻想的烏托邦裡,就未免太離地了。偏偏這種「離地」的故事,確確實實地發生在你我身邊。我必須重申,這的的確確是一件真人真事。

「咁佢哋最後點?」

呀輝歎了口氣,無奈地靠了靠椅背,「佢哋宜家每個月都嚟我公司選購性玩具,至於生仔計劃,亦都毫無懸念地無限期順延。不過佢哋始終認為,無論係從我呢度認識到正確嘅性愛方法,定係公司各種各樣嘅性愛玩具,呢啲所有嘢都係佢哋嘅上帝冥冥中安排好曬。佢哋有多謝我,但更加感恩上帝俾佢哋享受到性嘅歡愉。」

「阿門。」我和呀輝同時在心口劃了個十字。

 

原文轉自IG:hamuwolf

 

作者:哈姆太狼

[email protected],中文系碩士,兼職創作,全職廢青。

閱讀後覺得好,請多多讚好及分享~:)

其他熱門文章

  • 跟車太貼 by 健吾
    好像今天,由我看到無線新聞的報道,到有線新聞的報道,到我看到張議員把自己的修正案放到網路,我就有好幾個問題,一直哽在喉頭…
  • 我十八歲,打緊份暑期工叫坐枱 by 金魚小姐
    我今年十八歲,剛考完dse。上星期放榜,成績只有十六七分,不夠讀大學,在retake與副學士之間我選擇了後者。我沒有豐厚家底,只是一個行出街跌個招牌會砸死十個八個的那種公屋妹。高昂學費加上漫長暑假,無意中找到一份兼職,寫明非色情非身體接觸,…
  • 關於夜總會的二三事 by 金魚小姐
    客仔方面,一晚坐幾枱,記得既真係唔係好多。所以分享既都係d 令我大吃一驚記到而家既客。最記得我第二日返工,坐左個五十幾六十歲既大叔。佢係退休警察,好記得佢話佢走果時攞左五百幾萬退休金,而家又個個月咬五萬長糧。(難怪就算黑警個名臭過屎渠都咁多…
  • 有無見過人搵工,係完全唔俾聯絡資料人事部? by HR 扮工週記
    無留手提電話號碼,哩樣又係特別咗少少,哩個年代差唔多個個都有手提電話,好多應徵者都會將個聯絡電話寫喺頂頭。講係咁講,但又有啲人會留成幾個手提電話,大佬呀,係咪要小編逐個逐個打俾你,先知道佢邊個開咗機?…
  • 點樣分辨警察係唔係「毅進仔」?前人早有解決方法! by 彼得陳
    「警察份糧,有三份一值在比市民鬧,有三份一值在比上司鬧」。不過之後佢講嘅另一句,反而令我有所思考:「前面有個警察,你都唔知佢學歷咩野,佢心口無寫㗎麻,咁你點知佢毅進(畢業)呢?」。…
  • 開心浩園餐 by BEAR 兒
    老軍裝帶責備地拍拍警犬的頭,把紙袋拿起來說:「對不起,這個餐算是我跟你買吧,不過要麻煩你再走一次了。」…
歡迎讚好我們的facebook page,免費資訊源源送上。

文章資訊

ID: 180706
Date: 2018-05-24 05:17:49
Generated at: 2019-07-20 08:00:50
Permalink: https://www.vjmedia.com.hk/articles/2018/05/24/180706/基督式性愛