【神婆雜談】擁抱創傷嘅中年大叔 Hank X 笨拙直率天然呆 Connor

 

話說我最近沉迷緊玩《Detroit: Become Human》,如果你想睇我正經版嘅感想,麻煩你稍移玉步去【呢一度】;因為以下呢篇文,充滿住我對遊戲中「Hank 副隊長 x Connor 初出茅廬精英 Android」呢條路線嘅濃濃 BL 妄想喔~

我剛剛開始玩 Connor 路線嘅時候,其實真係無諗咁多,本來呢個遊戲好鬼正經,我亦抱住一個好認真嘅心情去玩;不過,我斷估唔到,去到後期,佢地嘅情節同埋啲對白真係……唔腐對唔住自己(掩面)

簡單講兩句故事背景:Connor 嘅角色可以話係 Android 界嘅精英,又聰明又身手敏捷又心思細密,面對住底特律市入面越黎越多 Android 突然變得異常,Connor 就接到 Order,要去同底特律市警局副隊長 Hank 合作去搵出案件真相。

 

 

咁但係,Connor 雖然係業界精英,不過喺人情世故上面就非常笨拙,又唔識幽默,又不解風情,成日開口得罪人;而偏偏 Hank 大叔唔知點解,一黎就好唔鍾意 Connor!同一時間,Connor 諗唔明,明明 Hank 理應係一個好出色嘅警察,但係點解眼前呢個大叔,成日躁底又掛住飲酒?

「OK,所以呢個設定係冤家宜結不宜解。」我抱住呢種心情,開始用不一樣嘅眼光遊玩呢條路線。

Connor 唔知自己邊度得罪 Hank,所以好努力地想去了解大叔,想知道點解佢對 Android 有偏見,心底,好想同 Hank 變得親近;而佢亦同時好清楚,唔係拍住 Hank 大叔嘅話,自己一個係解決唔到啲案件的。

Connor 利用自己高超嘅分析能力,一步一步走進 Hank 嘅世界:你有養狗嗎?我也很喜歡狗!你喜歡聽 Death Metal?我不認識這種音樂,但我願意為了你去聽,如果這音樂能為你提供力量的話,我願意去聽。

Hank 瞇起了雙眼,看著眼前這個「理應不是人類」的 Connor,心裡冒起了異樣的情感與好奇。

這個人與自己認知的「冷冰冰不近人情」的 Android 似乎有點不同。

 

 

雖然口裡說不,不過,一直獨往獨往嘅 Hank,隨住與 Connor 相處時間越長,除咗開始適應「身邊總有 Connor 陪伴」嘅生活之外,亦慢慢發現 Connor,其實比好多人類都要體貼細心。就算自己不願意承認,但係,Hank 內心是寂寞的,自己曾經熱愛自己警探的工作,但自從兒子離世後,Hank 根本找不到生存下去的依據。

討厭 Android 是因為,自己兒子當時進行手術,是 Android 操刀的;Android 失誤,令兒子離世,這是一輩子的恨。不過,之所以要搵 Android 黎操刀,卻係因為本為醫生嘅人類沉迷吸毒,離開了崗位。

其實這並不是 Android 的錯。Hank 明白的。他同時明白自己一直將 Connor 嘅好意拒於千里之外,係一件好殘忍嘅事。

 

 

在一次又一次大家共歷患難之後,Hank 開始承認自己對 Connor 心中按捺不住的好奇:你那張一板一眼的呆臉背後到底在想些什麼?你為什麼想要了解我?你為什麼要對我這麼好?

 

 

這些,都不要緊了。Hank 唯一知道的,是自己無論如何也不想要讓 Connor 受傷,不想讓他離開自己。

 

 

Hank 希望的,與其是破案,倒不如話係……想知道 Connor 的內心,或者應該咁講:Hank 想 Connor 面對自己真正嘅內心。

 

 

雖然 Hank 和 Connor 的任務是去找出城市裡所有「異常的 Android」;但所謂異常,也只是因為 Android 有了自己的情感和想法而已。這是罪嗎?這是錯嗎?違背人類錯誤的命令,就等於是罪惡嗎?

Hank 不知道。但是,也許自己心底裡,寧願 Connor 也是異常的一份子,因為唯有這樣,自己的心才值得為其悸動。

我們還能共渡多少時光?沒有人知道。但是,只要你還在我身邊的話……

我想帶你去看我認為漂亮的風景。

 

 

神婆腐女 Mode 全開終極妄想 Play 全文完 orz。

 

【塔羅牌個案分享】
【塔羅問事業】

 

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。