此處不留人,自有留人處

我常常在想,如果香港的小朋友們聽了我的歌聲,可以啟發到他們想學結他、唱歌、或是玩音樂的興趣,我真的會很開心的!到你們長大後,我仍然想繼續在香港唱歌呢。

Mr.Wally 發佈於 2018年4月2日

 

殺街定局已成,係令人難以理解點解仲要擁抱班表演者。呢班人明明佔用公共資源不突止仲要恃強凌弱見人唔搞你就得得寸進尺迫走哂其他人唯我獨尊,呢班咁既騎呢大媽仲有班用公帑養住既政工作者死攬佢,呢班人所高舉既公眾利益真係唔知點樣先叫公眾。居民大啲定係班表演者大啲係區議會層面照計唔難諗架~

香港地係咪真係有懷才不遇?可能有,又或者咁講,有啲人認為識人好過識字,但以香港人一貫標準以結果導向黎講,菜街孕育既表演者真係得罪個句,你本身冇咩斤兩都冇咩可能係呢個洪流企得定。諸如龍小菌、香蕉奶之流,呢啲真係充份說明舢舨充炮艇,冇料扮四條既下場就算你搞咩花臣,話知你朦面定乜Q啦,咪又係消聲匿跡,梳,依家冇人想聽你唱歌呀。

有料既就算去到邊都會做到風生水起。Mr. Wally 因為班騎呢怪而撤出菜街,佢就算去其他地方咪一樣照有支持者,依家仲有埋廣告做,廣告公司又肯用佢,啲觀眾又樂於睇個廣告,大家咪有錢齊齊搵win win 囉~係呢個崇優既社會,照計呢啲野自然係汰弱留強,當然生人霸死地咁梗係另計啦,你唔係以為班人唱得好所以留得低呀,係佢地死霸爛霸依家冇得霸發爛渣咋ok?

所以呢班不斷話保留街頭文化乜乜物物既政工作者本身就係多餘既。呢個行業個生態就係係法律罅下生存,以前廟街咪一樣出到尹光,一個地方唔俾唱咪走鬼走去第二度,本身個行業生態就係咁,亦都唔需要呢班政工作者差隻腳埋黎,依家又話要劃啲乜表演區出黎,咁邊個負責管理?行政成本邊個俾?搞發牌係咪又提高左個門檻去限制街頭表演?所謂此處不留人,自有留人處,等返個行業無為而治好過你地咁樣架床疊屋啦,都係個句啦,你地咁鍾意搞不如係你地辦事處門口搞啦,你地辦事處反正都唔會有人黎架啦,夠清靜幫你熱鬧下,立法會同區議會搞都得架,建構與居民良性互動關係,與居民同行connect,咁樣又解決到表演者冇位既問題,議員又有功領,好過倒哂啲票落海呀~

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 【真人真事】嗰日,朋友扑咗個黑警… by 都市女子日常
    情侶情到濃時緊係扑嘢啦,點知呀警察叔叔第一次淨係硬到一下,之後都軟過軟雪糕,搞咗好耐,連個套都鬆埋出嚟。…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 陳法拉呢種女人,蘭桂坊無一萬都幾千 by 庵念慈
    陳法拉就是那種中國出生、家裡略有關係二代,去外國走一轉再回流到香港,口裡的普通話和英文都是有難聽的捲舌音,住在美國卻罵美國總統的甚麼不是。…
  • 老蘭嘅初夜 by SAZI
    我記得第一次去蘭桂坊係喺2011年,已經係九年前嘅事。仲好記得第一晚去蘭桂坊時候嘅衣著,藍色書包杏色闊腳褲藍色花紋T裇,總之唔係可以稱為「戰鬥格」嘅裝束,好似白癡咁鑽入威靈頓街間T字頭O字尾嘅酒吧入面,入到去全部都大過當時嘅我至少十年,全部…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
歡迎讚好我們的facebook page,免費資訊源源送上。

文章資訊

ID: 181065
Date: 2018-06-02 04:34:19
Generated at: 2020-05-30 02:58:12
Permalink: https://www.vjmedia.com.hk/articles/2018/06/02/181065/此處不留人,自有留人處