陳瀅嘅仙氣,勝過檸檬夾心餅嘅香氣。

 

話說上星期六啊強突然打比我,話朋友搞咗個Party,已經預埋我去。

「吓?咩Party嚟架?」我問。
「咪又係包個會所,請一堆人去玩咁囉。」
「依啲FD搭FD搭FD結果去到分幾廿個小圈子劈酒嘅Party我最憎喎。」
「我知,但係有陳瀅喎。」
「陳瀅?」
「係啊,好似係我朋友個表妹個同事個朋友嚟,總之有佢啦。」
「時間地點,我準時到。」話哂陳瀅係我女神,淨係可以同佢Say個Hi影張相我都心足,幾大都去。

到咗噚晚,我專登去恤個靚髮,執正自己飛的去目的地。陳瀅未到,但在場已經有唔小雄性每隔幾秒就望一望門口,好明顯大家嘅目標都係同我一樣。等咗半個鐘,紅酒都飲咗幾杯,我去咗個廁所放一放水,點知一出返嚟就見到班雄性圍埋一堆——原來我啱啱行入廁所陳瀅就出現,個天硬係咁鐘意玩我。望住蚊都插唔入嘅人牆,我行出露台食住支加熱煙,對同陳瀅合照依件事打定輸數。

就喺依個時候有人推開露台嘅門,我抬頭一望,居然就係陳瀅本人。佢望住我噴緊出嚟嘅煙下意識掩住口鼻,而我就行過去拎支加熱煙比佢睇。

「依隻煙冇煙臭味架,放心。」
「又⋯⋯好似係喎,仲甜甜地嘅?」佢微微縮手聞一聞,發現真係冇味之後終於放低雙手露出佢招牌甜到漏嘅笑容。
「你覺得佢似咩味?」
「好似係⋯⋯檸檬夾心餅?」
「利害喎,一估就中。」
「真架?」佢又對住我笑,個笑容真係甜到我覺得支煙都開始冇味。
「頭先我見好多人圍住你架,咁快簽哂名影哂相啦?」
「冇啊,我衝出嚟架,突然比咁多人圍住真係嚇親。」佢講完自己都笑一笑。幾時可以研發到隻陳瀅笑容口味嘅煙?甜到咁我一定一日清一包。
「正常吖,我諗十個男人有十個都係為你而嚟。」
「咁你咪都係囉?」望住陳瀅依個表情,直到有種「好賤啊你」嘅感覺。

我都未開口答佢,又有人推開度門行出露台。有個女人行過嚟同陳瀅講咗幾句,然後一望到我手上面支加熱煙就突然擰轉面同我講「咦,我都係食依隻喎,乜咁啱嘅?」

關我鬼事咩,阻住我同女神傾計。

「哦,乜係啊?」我感覺到我語氣一下子冷淡咗好多。
「你呢隻係檸檬爆珠?我上次去韓國都有買⋯⋯」

我冇留心聽佢講咩,只係見到陳瀅行開嘅同時用口形講低佢去廁所——不過係同個女嘅講。睇嚟佢地都幾熟,係咁嘅話我如果同依個女人打好關係的話⋯⋯

「喂啊,你有冇聽我講嘢架?」果然係港女格,把聲都難頂過人。
「有啊,不過韓國彈唔係好岩食,都係萬記淺綠正啲。」為咗識陳瀅,我忍。
「係囉!我都覺萬記淺綠啱我口味啲。」
「哈哈。」我乾笑咗兩聲。
「嚟緊我同朋友有個聚會,好多人都有食加熱煙架,佢地識改燈洗筆,有冇興趣?」
「好吖,電聯。」

我同佢交換電話,為嘅當然唔係加熱煙交流會,而係為未來可以再見陳瀅做好準備。我借尿遁行出去希望可以搵到陳瀅繼續之前嘅話題,但見到佢嘅事候佢已經拉開大門離開會所——睇嚟佢對依類型Party都冇咩興趣。我急步追出去,就喺啱啱行出會所,已經見佢上準備的士。

「我仲未同你影相啊。」我望住的士大叫。
「下次吖,如果下次再見到你,我同你影張相。」佢嗰個無敵嘅笑容依舊冇變。
「一言為定?」
「一言為定。」講完佢就上咗車。

我轉身入返會所,行出露台搵陳瀅個朋友繼續加熱煙嘅話題。為咗陳瀅,為咗同佢嘅合照,我一定會再搵機會見佢一面,依露台嘅依個女人,就係我可唔可以成功嘅關鍵。

想知之後係點?遲下再話你聽。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 181118
Date: 2018-06-02 23:11:07
Generated at: 2021-05-13 18:04:24
Permalink: https://www.vjmedia.com.hk/articles/2018/06/02/181118/陳瀅嘅仙氣,勝過檸檬夾心餅嘅香氣。