說一個三個字的笑話:香港人

 

早幾日已經睇到網上面,
啲人係咁 Share 條片
標題係基佬地鐵互摷下體,
兩個後生仔俾人出晒樣放上網俾幾十萬人公審。
但因為早排心情太差,完全寫唔到任何野,
到今日,我決定要講兩句。

啲 Caption 係,
啲基佬咁淫,唔怪之得個個都有愛滋啦。
又有人寫:好心你地唔好影衰晒啲基佬啦,
如果唔摸佢咪唔會俾人影囉,自己攞黎架。

我明架,香港不嬲都 Blame the victim 最高尚嘛,
勝利球迷嘛,邊面多人就企邊面,
邊面俾人鬧得最勁咪企係佢對面踩多兩腳囉,
香港人嘛,見高拜見低就踩,
咁先顯得出自己幾咁神聖高尚,
彷彿依兩個後生仔就係全世界最仆街最賤格既人,
但係邊個影佢地,邊個放佢地個樣上網,
邊個想公審佢地就完全唔重要。

然後我諗起早排係網上勁俾人 Share 既一張係 Gym room 沖涼房既相,
影住浴簾下面既兩對腳,
放上唔同 Group 既人都係基佬。
Caption 都係個啲,
唔好做啲事出黎影響公眾對基佬既睇法啦,
哈哈,放上網俾幾十萬人睇到既到底係邊個呀?
到底係想放上網企係道德高地警告教育天下人,
定係想同大家講自己十貞九烈,攞晒貞節牌坊咁?

我明架,
踩低人地,抬高自己依啲事,
好多人都鍾意做。
但對我黎講,
搞到兩個細路連住邊,
幾多歲都俾人起埋出黎既個個人,
連人都不如!

但好無奈地,香港住左好多人都不如既動物。
一直以黎,
我都認為香港人值得擁有真真正正,
一人一票既普選。

但過左依幾年,
我終於願意承認自己既錯。
陶傑曾經講過:
一人一票同普選既民主,
依個信念我好堅定,
係咪每一個社會國家,每一個民族,
都有資格玩依個遊戲呢?

香港如果有民主既話,
個兩個細路已經俾人投票推左上斷頭台啦。
香港人?唔配架。

 

關於作者:焦總的蕉很腫

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。