【香港民族】小朋友搭飛機就係唔應機囉、自私囉、父母孤寒囉

 

 

“To prove that you guys will argue about anything” 網絡上好多人乜都拗餐死。呢個現象無地域限制、語言差別,總之一舊石、一枝樹枝、一個圓形⋯⋯ 乜鳩都好,都可以拗一餐。拗嚟做乜?拗贏咗型啲啩。

嗱,好似關愛座讓唔讓座可以拗一餐、你屋企隻貓隻狗絕咗育好唔人道又可以嘈一餐、小朋友應唔應機搭飛機又可以辯論到高空三萬尺咁撚高⋯⋯ 跟住拗完呢啲嘢就會有另一層面嘅爭手拗。拗乜?拗應唔應該攞嚟啲嘢嚟拗囉。於是好多嘢拗嚟拗去根本無乜公共性,變咗我係要拗贏你而顯得我叻過你而拗。純粹係一種彌償自我價值低落嘅行為。

「小朋友搭飛機係因為父母貪心攞著數要免費機票⋯⋯」「三歲以下根本無記憶⋯⋯」「小朋友去旅行做乜鳩⋯⋯」好多呢嚟單方面、假設性嘅估計、想像等嘅論點喺小朋友搭飛機好嘈嘅討論入面出現。究竟香港人十次搭飛機入面會有幾多次遇到喊爆嘅小朋友?長途機?短途機?喊幾耐?幾大聲?有客觀數據就最好,成個討論變得清清楚楚。誠然,除咗可以統計嘅數據外,小朋友搭飛機會喊呢樣嘢好多方面都好主觀。喊一分鐘,你可以話父母無家教,喊得細聲又好討厭,好多都係一啲主觀感覺。

人云亦云,無呀,小朋友搭飛機就係唔應機囉、自私囉、父母孤寒囉⋯⋯ 如果父母無準備、無照顧到小朋友上機嘅情緒情況而做到對機上任何人嘅不便當然唔啱,但似乎好多人根本唔會理會呢點。

Mean 啲講句,香港人好少可搭飛機,長途少少都好珍貴,總之有嘢影響到我搭飛機就唔啱。到我有機會發表,我就會譴責你,透過譴責你而話俾大家知我會搭飛機。往往自卑感就係咁嚟,跟住就越嚟越自卑,乜鳩都拗一餐。

痴撚線。

 

關於作者:麥錦鈿

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。