對唔住,唔記得你班泛民都係收緊黎智英錢

 

 

「一定收咗阿爺錢先出嚟搞事」,「佢地一定收錢出嚟係宣誓到玩嘢啦」

近呢一年,聽到好多呢啲說話,而講呢啲嘢係出自「泛民」嘅支持者,或者俗稱「黃絲」嘅人。政府話俾佢地聽呢個係暴亂,個果係違憲、要釋法,TVB再日日話佢地聽呢個係暴亂、個果係違憲要釋法。佢地就覺得唔係收咗錢的話,邊到會出嚟暴動擲嘢,邊到會出嚟咁玩嘢,係都乖乖地咁讀完段嘢之後,先再慢慢玩啦。

泛民支持者同黃絲中毒太深,覺得唔聽泛民枝笛嘅人,一定係收咗錢去做嘢,係諗住破壞佢地。屌,你望撚清楚啲啦,你地唔洗有人係中間攪局,都會自我破壞架啦,你望下16年立法會選舉,5個超區位,有6個泛民出嚟選,邊洗人攪局?

到今日,由2年9個月到7年,竟然有人出嚟話佢地係收錢出嚟擲嘢坐監,你地覺得收錢坐監係嘆世界,覺得坐完個幾年監出嚟,夠錢買幾層樓的話,不如咁我俾番十萬你,你同我入去坐番廿年。十萬唔夠?學DO姐話齋:「你要幾多?話我聽,我俾你。」

Oh!對唔住,唔記得原來泛民本身都人收咗黎智英錢,唔怪得你地會覺得人地出嚟都係收人錢,因為你地都只係為咗收黎智英錢而出嚟做下嘢。

殺人放火金腰帶,土製菠蘿大紫荊。面對住黑白顛倒、是非不分嘅社會,法律淪為當權者打壓異己嘅工具,發聲只會被打壓,被噤聲,被指收共產黨錢。黃絲繼續希望泛民可以為佢地「爭取」民主,繼續年年捐錢,繼續成為「民主」嘅代表,繼續打到人地口腫面腫。

 

關於作者:匿名廢青

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。