雲特會

(2020年,倫敦大酒樓)

 

「華夏邦聯主席、香港帝國國師陳雲大總統,聞名不如見面,久仰久仰」

「賢兄言重喇,不過虛名,作為翻版陳雲閣下能夠行到呢度都算有番咁上下功力,小弟佩服佩服」

「不敢當,要是在下攞住如此微薄的人力財力,恐怕什麼都做唔成喇,香港帝國果然人才輩出、精英雲集,老夫就無緣有一班各懷絕技嘅追隨者喇。對了不知昭明公主玉體安好?我國黨中央以前經常有留意其面書,獲益良多,請問稍候參觀大帽山皇宮能否有幸拜會?」

「公主自從搞掂晒d義士賠償同授勳之後都周遊列國四圍見識喇,冇乜點番過黎皇宮,上個禮拜聽講好似去咗秦城監獄視察擴展工程,準備安置下一批賣港賊,北韓比特先生高超智慧搞掂咗,俄羅斯都在華夏邦聯國威之下都轉形正義了,仲邊有西伯利亞流放呢支歌仔唱,前日call過佢佢仲話當初美國唔派美軍黎比佢帶路所以唔肯番,年輕人真是任性,都怪小弟管教不力,希望特先生恕其無禮。」

「北韓那場大龍鳳,不過是習先生並無跟從國師指示出兵,才有幸輪到我國拿個彩而已;美軍不出兵都是劇情需要嘛,大家都是老人家,相信國師都應該明。」

「既然特先生都係明白事理嘅人,咁小弟都不怕開門見山,請問何志平先生身體如何,貧道又幾時可以同恩人團聚呢?不要忘記貴國戴先生還在秦城仍有99年刑期啊。」

「既然強國如今都在國師掌握之中醒醒定定了,再留住何志平老先生作客恐怕也意義不大,等下老夫就撥個輪回去下令釋放何先生順便派架私人飛機接送回港,國師真是有情有義,是華夏文化的代表人物,值得我們西方文明學習學習;不過果個姓戴果條茂利都唔知佢係乜水,應該是前朝遺留下來的小角色吧,不用理會,嫌晒米飯的話我國願意代為槍決。」

「那就好,不過請載何老先生去東莞,有北方佳麗接機佢會比較歡樂;至於姓戴果位人兄,正所謂上天有好生之德,既然貴國人員名單查無此人,由得我方繼續養住佢過人世就得,祝我地華美以後合作愉快,齊齊撈世界。」

「等陣出去見記者講咩好?」

「求其嗡兩句咩野兩國元首大飲茶勝利完成就拿拿聲走人啦,國舅開咗個三國主題青樓,108位漢服美人等緊我地,小弟就做開諸葛亮,仲特別為特先生訂造咗套加大碼董卓…」

「睇唔出國師寶劍未老,咁就拿拿聲埋單出發」

「習總埋單呀今餐!」

 

關於作者:中出羊子

中出羊子
香港最年輕CCIE互聯網絡專家,面書不定期通俗兼情色佛學專欄「苦海禪寺」寫手,香港城邦皇室成員,電腦技術以外一概不學無術,主要負責後台工作,偶爾在發牢騷吹吹水、感懷人世之悲哀。夢想是成為一個偉大的藝術家,可惜事與願違,誤入埃踢界回頭已是百年身,忠告年輕人「少壯不努力,大個做IT」,現正積極等待共產黨收買。煩惱是菩提,亂世是修行。

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。