【真人真事】做到Head of Marketing 都仲咁孤寒嘅「柴哥」

 

(圖文不符)

 

某夜九點幾,收到腦細 whatsapp,連續嘟咗幾下,好明顯又係 copy and paste 啲對話比我啦。

原來 Head of Marketing——柴哥,剛 OT 完,佢問腦細可否搭的士回家?

腦細:Sure, why ask?

柴哥:Finance rejected my claim, that’s why I ask your approval for my taxi home.

大家會唔會好好奇?柴哥係唔係剛畢業?點解搭的士都要問?

 

哈!柴哥五字頭了,入職六年,自稱在菲律賓某大學 MBA 畢業,月薪六位數字,據聞在行內打滾超過三十年喎 。

我哋公司 policy 係但凡 OT 超過十點,就可以 claim 的士錢返屋企,全公司無論 senior 定 junior 均一視同仁,基本上 Finance Department 都係跟 policy 做嘢,又不過,大家明白 policy 係死嘅,如果你有特別原因,白紙黑字寫到落你張 claim 度,我哋都唔會彈你。

腦細收到柴哥指控,自然就即刻搵我睇下發生咩事啦 。。。

 

我:老闆,你又比人呃喇,我哋無彈過柴哥啲 OT claims 呀!

(blah blah blah …. 下刪數百字解釋!)

腦細:佢應該唔係呃我嘅,佢話又熱又餓頭昏腦脹,可能佢記錯啦。

我:老闆,佢咁大個人,肚餓就自己落街食嘢啦,其實唔係淨係佢 OT,我都係啱啱落街,我都係仲等緊車咋!

直至十一點幾,腦細都仲 forward 緊佢同柴哥嘅對話比我,最後一句係:He claimed that you have rejected his claims, can you tell me what is it?

我:OK, let’s meet tomorrow at 9:00, have a good night.

 

第二朝 8:30 返到公司,第一件事就搵返啲 proof 出嚟,然後去面聖 。。。

我:老闆,我哋無彈過柴哥 OT claims,相反,呢度其中一個 claims,成張 A4 紙貼滿哂的士單,全部都係九點幾,全部都未過十點嘅,claim 咗喎!另外一張,有中午兩三點,又有上午十點,又有下午四五點,但係因為佢寫咗 “urgent 見客”,又係 claim 到喎!

腦細:咁點解佢話你 reject 過佢呢?

我:老闆,柴哥真係越嚟越過份喇,佢有啲的士單,返工時間搭,又講唔出搭的士原因,我叫佢諗下,寫返個情況比我,佢寫唔出,發我老脾,喺我面前撕哂啲的士單,又喺我面前掟筆,呢件事係 2018 年 4 月發生,唔知佢係唔係講緊呢次呢?

最後腦細叫我留底啲 proof 比佢,佢會同柴哥傾。

到下晝兩點,收到腦細 whatsapp: I talked to him already, he will find time to send apology to you!!

See? 浪費哂大家啲時間!事實上,柴哥有無諗過只要我哋搵返啲 claims 出嚟,佢會立即變樣衰的?

 

OH,講開樣衰,柴哥仲有幾件經典嘢,話說有年柴哥完成咗個大 project,要請大家同事食 tea 慶祝,當大家興高采烈以為可以叫下午茶時,柴哥叫助手攞咗袋雞尾包返嚟派,我相信只要係同事一個心意,大家都唔太介意食雞尾包的,但係點解袋雞尾包扁哂嘅?助手答:頭先上 training,柴哥叫我買多啲,班客食完就順便攞埋落嚟囉!結果助手原袋雞尾包攞返比柴哥。

另外一次,柴哥又完咗個 project,佢出 email 叫腦細返嚟開香檳慶祝,等腦細返到公司已經八點,淨返小貓幾隻,焗住陪飲,同事倒香檳,倒到柴哥隻杯,少少泡滿瀉咗,柴哥好大聲話:好呀,賺到滿瀉呀!其中一位被逼陪飲同事淡淡然回答:泡沫嚟咋喎!

「柴哥」 呢個稱呼係班 marketing 同事改嘅,「柴」 字是有意思的,大家估下點解?

 

(編按:我都諗唔到,可唔可以開估? 😀 )

 

 

作者:沒有句號

沒有句號
在職媽媽,出來社會工作超過20年,見證了人性的可愛與可恨,很想把這些故事寫下來。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 181527
Date: 2018-06-14 19:50:04
Generated at: 2019-12-16 05:17:16
Permalink: https://www.vjmedia.com.hk/articles/2018/06/14/181527/【真人真事】做到head-of-marketing-都仲咁孤寒嘅「柴哥」