「兼職」廿幾年中大哲學Part-time Lecturer 劉桂標被炒——汰弱留強

 

 

劉桂標單嘢唔知點解越嚟越多人(至少我啲唔係讀哲學嘅朋友係咁)講,大家唔知頭唔知路就鬧中大係學店,又或者中大哲學系點點點,當正中大係浸大/理工咁打,我唔知其他兩間U咩事,亦都唔評論,但係劉桂標件事,直白啲講,其實都係淘弱留強,呢行本來競爭就大㗎啦。

首先,Part-time lecturer 係啲咩嚟呢?以我理解根本就係過渡用嘅post 嚟,如果你係博士,咁係你畢咗業,又未搵到工,先攞呢個位養住你先,其實係想你呢段時間做多啲研究,一係就搵full-time,一係就轉行啦。打個比方,如果一個人做trainee 做廿幾年,係咪好驚人呢?其實一早就應該逼佢認真搵工啦?

其次,其實隨住年代進步,學術界嘅新人係越嚟越勁嘅,因為啲要求真係越嚟越高,壓力越嚟越大,競爭亦都越嚟越大。你可以視之為人類文明進步嘅表現。依家啲PhD真係想做學術嘅,好多未畢業已經周圍pub嘢,哲學都係咁,呢個亦都同大學評分機制有關,你可以質疑呢個機制好唔好,但係喺嗰種環境培養出嚟嘅人競爭力應該高過以前相對輕鬆嘅環境培養出嚟嘅人,至少喺依家嘅機制睇嚟係咁。(同埋唔係話上一輩能力低,相反,正正係佢哋叻先可以有青出於藍嘅學生,一代新人勝舊人係人類文明嘅基石,係社會越嚟越好嘅推動力,係上一輩嘅功勞嚟,同樣地,如果下一代廢,其實都係上一代嘅責任)

第三,其實養咁多Part-time lecturer 係咪好事呢?如果話係想做好學術,似乎養一個識做研究又識教書嘅人會更好。依家全世界嘅一流二流大學,都會要求lecturer 做下研究㗎啦,大家都想有競爭力嘛,所以依家係連搵lecturer 位都唔係咁容易,至於做Part-time,如前述,都係因為研究嘅profile 唔夠靚,又或者可能足夠做full-time lecturer,但係佢想儲多啲文做professor 都未定。咁一個人做咗廿幾年part-time,咩情況大家都心照啦。

第四,其實如果一個人坐喺一個過渡性質嘅位咁耐,都唔居安思危,唔去搵full-time,又唔試圖轉行,大家點解唔諗下係咪佢個人有問題呢?點解哲學系老奉要養佢呢?

第五,其實呢個係歷史遺留嘅問題嚟。喺依家嘅趨勢下,中大其實係應該請多啲full-time 嘅。而養住一個part-time 廿幾年又係令人驚訝嘅。結果依家咪雙輸囉 lol

 

作者:山城小豬伯

總編話佢:「真人係幾靚仔嘅」

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 181553
Date: 2018-06-15 14:36:18
Generated at: 2019-11-22 14:19:08
Permalink: https://www.vjmedia.com.hk/articles/2018/06/15/181553/「兼職」廿幾年中大哲學part-time-lecturer-劉桂標被炒-汰弱