【塔羅個案】老師的成功要訣:識人、埋堆,攀附權貴;作育英才已經行唔通。

文教 / 最新文章綜覽

 

「打工甚艱難」呢樣野絕對係可以應用喺香港所有行業上面,今次首先講下「老師」。呢兩個月,我見咗唔少任職老師嘅客人,由於好多時候學校未必續約,老師要確保 9 月新學年有教席,就必須拚老命去搵工。

呢篇文嘅題目,其實我打完之後都有少少心酸的,係,我承認有好多教畜、有好多道德操守唔好嘅老師,但係,都仲係有好多充滿教學熱誠嘅老師。老師唔一定悶,唔一定死板,我以前間中學,托福,係間 EMI Band One 女校,讀書風氣濃厚,基本上唔駛老師出聲,啲同學都會自動波溫書。

不過,某年,學校黎左一個新嘅老師,呢位老師本身教中文中學出身,英文麻麻,黎到教我地班串柒柒嘅死妹釘,一開始真係吃足苦頭。老師教數學,但係佢一開始連用英文完整講完一條 Equation都有難度,我地甚至同佢講「算啦,你用返中文教啦」咁樣。

結果,呢位老師收工之後搵英文科老師幫佢惡補英文、出去搵 Oral 班上,目的,就係想我地班學生可以完完整整用英文聽書。去到我地公開試前半年,呢位原本講英文會口震嘅老師,識得用英文搞 Gag,識得用英文窒人,識得用英文鬧人(笑)。

而佢,亦成為好多同學心中愛戴嘅老師,因為,佢真係有心想教好我地,想融入我地。

但係,而家好多老師,就算空有熱誠,又如何?

Martin 教數學,原本都做得幾好,學生聽佢話肯學習;但係,學校校長一個屈尾十,搵個「自己朋友」返黎教員室做主任,野又唔做,搞風搞浪,令整體教職員士氣大跌。Martin 因為唔肯擦鞋,唔肯埋堆,結果,學校今年唔同佢續約。

Flora 教英文同音樂,教學經驗唔算特別多,但勝在用心,甚至用時下流行嘅動漫畫美術或者主題曲,引起學生注意同興趣;但係,因為佢同某個系主任關係好,而呢個系主任得罪咗校長,連坐法影響,Flora 今年亦成為搵工大軍之列。

最新一單,係因為 Crystal 因為曾經喺通識堂上面,同學生講解梁天琦事件,當時佢講咗一句「唉,我真係唔想佢坐監(當時未判刑)」,學生下課後熱烈討論,引起副校長注意……無錯,Crystal 馬上都不被續約。

更多嘅例子,比比皆是,我亦聽過有啲老師,為咗確保自己升職或者可以坐穩,對其他校內「大粒」角色真係落足心機照顧,例如落大雨車高層返工放工、前排有五月天演唱會,知道高層想睇無飛,寧願得罪朋友另一半,都將自己兩張飛轉送高層(無錯,係送),為嘅,就係暗示自己「我係自己人,我埋左堆架啦」咁樣,為嘅,只係唔想無咗份工。

所以,當有位老師前排喺舖頭講吓講吓講到喊哂,我心痛架。面前呢位老師 Apple,教歷十二年,但係而家,佢都愁緊失業嘅問題。

「我甚至有諗過轉行,但係我可以轉做乜?去做啲 Admin 姐姐打份 Office 工?而家從頭去考政府工?我唔知呀。」Apple 眼角含淚,「我一直都想教書,而家都係。但係,我已經唔知教育呢條路,係咪仲適合我行落去。」

朋輩欺凌、上司壓迫、工作壓力大得喘不過氣,大量教學以外校務要處裡,雖然見到學生支持自己偶爾會稍為釋懷,但係,「見到有老師跳樓輕生,我望住篇新聞都好想喊,甚至有諗過做一樣嘅事。」

我輕拍 Apple 顫抖的雙手,以示安慰,然而心中百般滋味,卻是無言。

當然,最後我都鼓勵 Apple 轉個環境,脫離傳統院校教育;知道前路未算茫茫,仍能夠有新方向重新出發,Apple 總算面露寬容。

只是我在 Apple 離去以後,想起老師的處境、想起現在的教育制度,心中淡然盡是無奈。

 

【塔羅牌個案分享】

後生女教友畀已婚傳教士搞大個肚唔認數
「我想分手,佢話唔好,不如去開房;然後我覺得佢仲愛我」
你話想生仔我咪唔避孕囉,我家下有咗你就叫我落?
名校老師婚外情的故事
四年入面,我睇住個客拍拖、結婚再離婚。
中環高薪厚職女強人求愛篇:我一覽眾山小,但係⋯⋯
女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」

 

 

作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 關心柳俊江,仲多過十二位手足 by Terence Yun
    此新聞一出,不論是藍絲群組還是黃絲群組,都對此新聞樂此不疲,藍絲見此新聞,當然不會放過這個機會,明白,必然強力追擊,一定打到唔停手。但係唔明所謂的黃絲群組,所謂的本土、城邦之類,都對此也樂此不疲,大家七嘴八舌,當家常話,當正他有如阿嬌藝人般…
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 【MHXX攻略資料】村下位 ⋆1-6 KEY 任表 by VJGamer
    村 下位 ⋆1 KEY 任表 任務名稱 狩獵對像 出現條件 備註 古代林の特性ゼンマイ 採集 8 個特産ゼンマ […]…
歡迎讚好我們的facebook page,免費資訊源源送上。

文章資訊

ID: 181602
Date: 2018-06-17 06:07:52
Generated at: 2020-09-23 00:18:19
Permalink: https://www.vjmedia.com.hk/articles/2018/06/17/181602/【塔羅個案】老師的成功要訣:識人、埋堆,攀附