（圖文不符）
話說聽聽下小飛機場嘅《邊一個發明了返工》，諗返起上個禮拜某日晏就趕緊返 Report 途中接左一個女士電話……
女士：「請問你地係咪小蕃茄公司人事部？」
小編：「係，請問有咩幫到你？」
女士：「你哋係咪請緊侍應？」
小編：「係……」
飲食業人手長期短缺，入行嘅年輕人數唔多，所以可以話長期都係請緊人。正當小編以為對方對職位有興趣嘅時候……
女士：「唔係我自己想申請，我都唔駛返工，我無做野好耐啦……」
唔……噢！原來你就係小編之前喺 14 個禮拜前提過嘅，嗰 134 萬人嘅其中一個……（咁都搵到幾多個禮拜之前講過嘅野，原來小編都幾勁 XD）不過咁，你唔駛返工姐，但係小編依家仲係返緊工！可唔可以唔好提起人哋嘅傷心事……
女士繼續講：「其實我係幫人問嘅，我成日都幫襯開你哋，見你哋啲同事嘅質素真係麻麻地，乜依家真係咁難請啲好嘅侍應咩？咁岩我去開有間 Fine Dining 餐廳，識到有個侍應真係好好，服務好細心，咪想介紹俾你哋囉。」
可能小編嘅公司無人哋去開嗰間 Fine Dining 餐廳咁高檔，服務咪無人哋咁好囉……
小編：「多謝你嘅意見，如果你想介紹其他人應徵，麻煩你叫佢將履歷 Send 去我哋公司嘅 Email 到，Email Address 係 [email protected]。」
女士疑問 Mode：「乜原來要咁麻煩架？我仲以為打個電話黎同你哋講下就可以安排面個試添……不過我其實都唔知人哋係咪想轉工，等我下次問下先。」
係啦，你問左人先啦，人哋做得好地地，可能唔想轉工呢。同埋如果真係對小編公司嘅職位有興趣，都咁大個人啦，不如自己親自打電話黎問……
話說，到底係邊隻皮蛋發明左返工哩樣野？而點解有人又唔駛返工？聽日又返工啦……
37.8倍的努力
見工早到你會等幾耐？我最快見過嘅係 _ 分鐘就走左。
【愛情實況系列】嫁個又有錢又錫老婆嘅老公，係咪一定幸福？
【塔羅個案】個個都話想移民，但係你有無諗過你去到當地點生活？
你想做最後嘅反抗，定學習腿張開咁享受？
【愛情實況系列】才子第一次約女仔就去行山，能唔能夠結束三十幾年青頭生涯？
2018年6月19日
