#churchtoo:教會面對性侵事件的取態是點?

文教 / 最新文章綜覽

#metoo#churchtoo我的教會有個禽獸,佢係牧師。如果是會眾作出如此禽獸行為,相信教會已經報左警,但而家,牧師則仍逍遙自在。最近仍與老婆拖手仔出街食飯,笑嘻嘻去過佢每一日。我返左呢間教會17年,由10歲開始返,禽獸…

Lai Siu Mei 發佈於 2018年6月21日

 

話說早兩日見到呢個指控牧師性侵Po,內容觸目驚心,如果屬實(為免跟車太貼,都要加番句「如果屬實呀下」),果真是無法無天、天理難容。

講緊要「揭露一個牧師的性罪行」呢件事,一來旁人實在難以定奪誰是誰非,我在此亦無謂無啦啦公審人乜柒乜柒(我真係好憎呢種網絡公審的行為);二來事件一旦屬實,即屬刑事罪行,我亦無謂加把口。故此我在此希望以「真實程度有幾高」去解構下呢件事。

 

究竟呢件事的真實程度有幾高?

就我覺得嘛,如果10是最真實,咁都去到9既。第一,言者對於教會的制度十分熟悉,顯然是教會中人;第二,一個牧師會唔會做呢D野?睇開我個Page就知是肯肯定會啦(根本上耶膠會做的任何事也許都不會令我意外了…);第三,如果唔係咩世仇,我睇唔到呢位朋友要去誹謗一個牧師的動機。一個唔該呀牧師告番佢轉頭,咁就大鑊啦(雖然而家牧師都宣稱佢被誣告,但竟然唔報警都知咩事啦)。而最後一點,就是筆者相當直白的指出教會的盲點,就是「信徒盲從權威」呢一點:而呢位疑似性侵他人的牧師,亦睇中呢個盲點加以利用信徒。

而我都相信呢位朋友要揭發事件,都是一件令佢自己極為心痛的事。見到佢聲稱呢位牧師是為她自己證婚的牧師,就知道其實他們交情非淺;如今落得如斯田地,無論如何都是令人十分感慨的。

 

教會的反應:一如以往的「臭屎應當密冚」

而教會的反應,亦是我意料之內。唉,由寫文開始,都唔知遇過幾多單「臭屎密冚」case啦!有邊次教會係會正面回應同處理?邊次犯左刑事教會會自動報警?Come On又話教會中的都是罪人,點解承認教會中人犯錯又咁難?I dun get it lo…

不過呢,最後我不禁想勸勸呢位牧師朋友,喂乜你無聽過一句「上得山多終遇虎」架咩?仲有一句「起度食就唔好起度痾」嘛!任你手段再高,加陣互聯網咁發達,唔使多既,幾千個share都足以令你名譽掃地啦,值得咩?有性需要(又唔想搵你老婆解決)的話,你自己出去叫雞,咪戴副黑超囉,無會友知道的嘛!何必呢~

 

作者:殷琦

殷琦
港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。做YouTuber、專欄作家(稿費...)、鋼琴老師、合唱團、作曲卻不懂用電腦編曲。總活在迷霧之中,怨氣太多,希望太少;與你和我一樣,在小小的香港同受壓抑、同唱悲歌、每天僅為生活掙扎求存。興趣在表達藝術治療、哲學、心理學、生活、音樂、藝術、政治、宗教等。小妹專頁:https://www.facebook.com/pages/YanKi/1002326119779241

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 181742
Date: 2018-06-22 00:09:28
Generated at: 2022-09-28 14:22:00
Permalink: https://www.vjmedia.com.hk/articles/2018/06/22/181742/churchtoo:教會面對性侵事件的取態是點?