只有香港書展年度作家Middle 中先生,可以拯救香港文學

星洲網圖片

 

有啲人話,香港書展年度作家係Middle,香港係唔係唔需要文學喇?講到香港文學已死咁,我反而覺得要拯救香港文學一定要大大力吹捧Middle。 買多啲佢嘅書,畀佢賺更多嘅錢。

香港文學點解痿縮?因為冇錢賺囉,一個叻人就算講心唔講金,但係揸筆隨時乞食,仲可能成世人事業最好嗰陣都冇六位,撈其他行業隨時搵多個零,咁搵鬼入行咩?要留意嘅係,問題唔在於起步點低,而係終點太低,如果一個行業撈得最掂都係月入四、五萬,啲叻人點會肯做?

咁究竟要點做好?鄧小平早有先見之明——「讓小部分人富起來」,就係將啲新一輩作家,唔理好醜,捧上神檯,令佢哋賺多啲,扭轉大家「揸筆乞食」嘅印象,覺得做作家有前途有錢途。

其實大家一直怨香港文學已死,冇新嘅好作家,呢啲說話其實同一個唔肯畀錢嘅好老細一樣,又要馬兒好又要馬兒不吃草,邊有咁so?

可能有人會話,咁Middle之流真係支持唔落呀嘛,咁垃圾。有冇睇過《戰國策》?知唔知千金買骨嘅道理?如果Middle真係你講到咁差(留意係如果呀),咁佢咁差都搵咁多錢嘅時候,啲叻人又或者啲自認為好過Middle嘅人一定會入行,務求搵得多過Middle囉!

只要有希望成功,哪怕係一百個得一個,啲懷住作家夢嘅人都會好有自信,覺得自己做到嗰一個。多人入行,入面自自然然有叻人。

再者,當啲鍾意文學嘅人都睇唔起依家嘅文學,你點叫啲老細投資香港文學?人哋都只會睇唔起揸筆嘅人,覺得揸筆嘅都係乞兒。想搞起香港文學,最理性嘅方法就係起爐圍爐,正所謂新爐冇人要,圍開有人爭。當一個行業咁細,新人係好難入行,「Middle幫我寫篇文收我四位數,你憑咩都收我四位數?(唔係呢行唔知價)」,冇錯,你嗰行嘅龍頭都咁cheap,唔通你呢啲細嘅會有啖好食?

所以,要多人入行,要有好嘅文學作品就要大大力吹捧啲你哋睇唔起嘅人,瘋狂派高帽,吹到啲外行人都嚇親,覺得要尊敬佢哋(唔單單係尊重),畀個大家價佢哋而唔係乞兒價佢哋。下次稱呼Middle不如叫佢中先生。

 

作者:哲學仔

哲學仔
一條哲學廢青

閱讀後覺得好,請多多讚好及分享~:)

其他熱門文章

  • 梅媽的神奇小子 by 鳩文瘋
    呢兩母子真係好神奇~幾乎全家都死哂,得佢地兩個日日係度獻世。…
  • 【遊戲介紹】肝度十足元素豐富 《Len’s Island》耕種建築探索戰鬥樣樣俱佳 by 五木
    遊戲種類有好多,不過人係貪心嘅,好多時會得一想二。好似《動物森友會》各方面都做得好好,然後你就會諗如果地圖大啲 […]…
  • 【外賣仔日記】我與Uber Eats 的回憶 by 外賣仔
    Uber Eats 系統的運作有如一瓶飲料在工廠中製作的流程相近,由飲料製作,到飲料裝瓶,都是預期所有事情發生非常暢順,例如預期飲料由輸送管裝入瓶時,塑料瓶保證會在預定的位置等候,毋須預計塑料瓶沒有適當地放置在指定位置,導致飲料灑滿一地…
  • 何謂「格屎」? by 潮文社
    至於個小朋友講嘅「響格屎」,絕對同安格斯、吔屎無關。「格屎」係指社團單位,問人「咩格屎」,即係問人屬於咩社團、咩幫會,多數會用「瓣」作為量詞。例如格屎哥就講:「響格屎啦!你邊瓣咖?」,邊瓣「格屎」,即係邊個社團。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《彼岸島》絕對是我人生中看的其中一套最令我無言的漫畫。 by 鵝鑾鼻燈塔
    如果你沒有看過,恭喜你,你的人生是完全沒有任何損失的。這種比狗血更狗血的劇情,永無休止又不斷無限loop的橋段,看了也想把自己雙眼也插盲。簡單來說,主角不論做了甚麼,也無法打死早已不死的吸血鬼之王,只能眼看自己的同伴一個又一個的死去(有時甚…
歡迎讚好我們的facebook page,免費資訊源源送上。

文章資訊

ID: 181922
Date: 2018-06-28 20:05:08
Generated at: 2021-12-08 11:26:16
Permalink: https://www.vjmedia.com.hk/articles/2018/06/28/181922/只有香港書展年度作家middle-中先生,可以拯救香港文