補習唔係一份Hea 工咁簡單

 

作為一個典型補習姐姐,身邊既朋友師妹都會知我生活前前後後,左左右右都會係唔同家庭中出出入入;太陽東起時我係堅道半山、太陽係中間時我係美孚新村再過麗晶、夕陽西下時我係大圍名城後面的富嘉花園坐巴士番Hall。每個家庭每個小朋友都係奇葩,進入佢地既屋企補習其實真係會知道多好多奇怪野。咁係每年五、六月開始,身邊仲會不時要朋友仔問一個問題:「有冇補習介紹?」

各大專院校陸續完sem,一班中六同學仔等待放榜,有好多人都會想賺下外快但又唔知返咩工好,炒散promoter?唔喇!大熱天是要係街拋頭露面!餐廳?唔喇!好辛苦架又低人工!咁不如…….補習啦!可以私補可以係補習社,最重要係人工高福利好,嘆住冷氣對下答案就袋袋平安收得工,荀工黎架!如果你問在補習界打滾多月既補習姐姐究竟補習係唔係真係咁荀,我會答:「可以係,但都可以唔係。可以坐一個鐘好爽收錢,都可以俾人西足3小時。」

如果你係純粹為左舒服地搵少少錢,上堂俾d練個學生做然後係咁而對下答案就落堂既話,咁補習呢份工真係幾荀。但如果你係真心想教好個學生,願意係課外花時間同心機針對學生既問題搵/自編教材,又會對學生好上心的話,咁其實做補習哥哥姐姐都可以好辛苦。

坦白而言,姐姐自己當初接觸補習,都係考完DSE唔想日日百無聊賴而上中介網搵補習、同接下阿媽師奶圈既人情單。一開始上堂,咩都唔係好知,姐姐成績都唔錯但點樣教人都無咩經驗。(如果家長們要搵有教師資格既補習老師最少都要貴1-2倍)第一次上到A媽媽家,已經發現自己已被完全安排好工作。要督促小朋友做練習、校對答案、練習、答案、練習、答案……感覺就真係負責學術部既工人姐姐或就係一個伴讀書僮。直到、直到有一次,係我向我中學一位老老師求教,因為我真係好想知點樣先可以好似佢咁對學生!咁鬼有耐性同埋心機。佢淨係講左一句,大致就係:其實老師可能對班學生只係好小時間,但你係一個老師,你係要對學生、家長同自己負責任……佢講完呢句,我真係好似以前D作文咁寫:有如當頭棒喝!令我係羞愧既同時亦變得認真看待「補習」呢一件事。

姐我曾經係網上見過一篇文章,內容大概就係覺得私補其實係誤人子弟。的確,我身邊都有好多同學生補習既時候自己玩電話等落堂既補習哥哥/姐姐,但亦都有好多掏心掏肺為學生準備一份份筆記同練習,會為學生成績退步而自責;會為學生一句感謝而受鼓舞既補習哥哥/姐姐。如果你正在搵緊私補/已經幫人補緊習而又睇緊呢篇文章的話,希望你會同我一齊努力學會對學生、家長同自己負責任,千其唔好睇小自己,可能你覺得自己影響唔到個學生好多,但亦有可能係潛移默化下,你已經影響左佢好多。

 

 

作者:補習姐姐

補習姐姐
人人口中的補習姐姐 一個中孩子在不同大大小小的家庭中努力教好一班小孩子

閱讀後覺得好,請多多讚好及分享~:)

其他熱門文章

  • 港人學樂器小心被騙財——大提琴掠水記 by 莊公公
    二手琴市場好細,賣出去唔容易,價錢好低,香港地寸金尺土,仲要佔地方,即係擺明被勒索,如果唔係冇好日子過,以後上親堂有排煩。…
  • 【PR】開放世界獸人 x 功夫動作 RPG《BIOMUTANT》今月推出多平台對應 by VJGamer
      Epicsoft(Hong Kong)Limited 今日宣佈,由 Experiment 101 […]…
  • 鑽戒 by 藍兼併
    程子晴嫁給富商翁恭時只有24歲,而翁恭比她年長26年,二人的婚禮在五星級酒店舉行,城中名人富豪紛紛到賀,這段婚姻被外界視為父女戀,而程子晴承受着貪財嫁富翁的惡名。…
  • 朋友,並唔係要嚟搵笨㗎! by 小盛女
    「未諗㗎,都係落吓FB、Google廣告果啲,我畀啲相同價錢你,你幫我執吖。」Grace說。 「你係想我幫你整?你話我知總共要整幾多樣,幾時要完成,我再quote個價畀你啦。」我說。 「唔使咁大陣象!我哋咁熟,想你幫吓手咋,好簡單啫,你…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • 正常生活 by 健吾
    當我看到新聞評論,大家都在一面倒的討論感染者的「私德」不檢,導致大家連假都沒了。這樣子的狀況,似曾相識。就好像是,當愛滋病流行之時,「普通人」、「未感染者」把所有同性戀者的性慾當成是罪,只要你有「性行為」,你就是錯。…
歡迎讚好我們的facebook page,免費資訊源源送上。

文章資訊

ID: 182128
Date: 2018-07-02 15:59:09
Generated at: 2021-05-19 01:14:12
Permalink: https://www.vjmedia.com.hk/articles/2018/07/02/182128/補習唔係一份hea-工咁簡單