【塔羅個案】中年男人有外遇,唔認錯仲黎開牌問:「老婆點先會流產?」

文教 / 最新文章綜覽

 

外遇個案很常見,當然大部份情況之下,我都認為兩個人之間有問題,先會令到有第三者出現;不過,我更加相信,如果兩個人之間有問題,應該兩個人處理佢、或者選擇完結左段關係,先至開始同新嘅對象交往……最理想當然係咁啦。

雖然常見嘅玩法係「見到一個新嘅對象,先至急住同現任分手,然後理直氣壯地同下一個一齊。」呢句說話唔係 Judgemental 的,我亦唔想比大家一種「神婆淨係識說教」嘅印象,我都係人黎,我都年少輕狂過,我都自私過;正因為有經歷過一啲故事,而家我先會更容易對大家嘅故事身同感受架嘛~

不過,有啲人嘅想法,我諗,我一世都無可能理解。

我一向都會喺預約日子前一晚同客人 Double confirm,無覆嘅就當你唔黎。Ben 都係其中一位無覆我嘅客人,但係,喺預約當日,佢出現咗,不過就比佢原本約嘅時間遲咗成大半個鐘。

我照道理係可以送客,但係 Ben 已經大模斯樣坐低咗。我皺眉,我話你嘅預約已經無咗,我幫你唔到。

「我預左你 Blacklist 我,但比我問呢一次咁多,幫下我,我好亂。」

我有少少嬲,少少無奈,當時已入夜,我嗰層樓已放哂工,我都驚呢啲咁賴皮嘅客一陣玩野,惟有硬住頭皮幫佢開牌。

點知。

Ben 已婚,有外遇,外遇係個唔知道 Ben 結左婚嘅大學生妹妹,做兼職時識嘅。

「梗係唔會話佢知我結左婚啦!」Ben 笑住講,「我想同老婆離婚好耐架啦。」
「既然你都決心離婚,今日仲想問乜?」

我嘅語氣係冷淡而唔耐煩的,Ben 散發嘅氣場令我感覺好差。

「因為我老婆有左。」

我心中一股熱氣上升,既然講到自己唔愛個老婆,點解仲會有機會令佢懷孕?點解不設防?重點係,佢太太根本唔知老公已經變左心,仲以為段關係好和諧。

「醫生話佢陀得唔穩,我想順手叫佢落左個仔。我想問點先令佢肯落仔。或者⋯個 B 呢排會唔會自動流產吖嗱?」

我雙眼不禁瞪大,當下嘅面色嘅難睇程度,就好似我著住對新買嘅 Jimmy Choo 鞋出街但係踩中蝗蟲啲屎一樣,而我心中驚訝嘅心情,甚至超過有一日發現我原來係石頭爆出黎咁樣。

無良心嘅故事我聽好多,黑心嘅人我都遇好多,但係涼薄同埋冷血到好似 Ben 咁,我真係嘆為觀止。

就算你唔愛你老婆,都應該有感情;就算你唔想生仔,家下你老婆有左,你居然係希望佢自動流產,甚至有意外令佢小產?

我雙手因為憤怒而抖震,而咁啱,我知道我下一個客已經黎左,於是我忍唔住起身送客。

「如果你認為『想知道老婆會唔會或者幾時出意外流產』係一個 Proper 嘅問題,好對唔住,我諗我未必幫到你,危害他人生命嘅事,塔羅牌問唔到的。」我企左起身,「你上網唱我唔尊業又好,乜都好,我唔 Care;不過,至少我認為你決定同老婆離婚,對佢黎講絕對係一個正確決定。」

Ben 個樣嬲嬲地,但佢似乎唔明自己到底有咩問題,「我又唔會上網唱你,你係咪嬲我遲到?Sorry 囉。」
「你當係咁啦,我係好有原則的,請你離開。」

Ben 好唔滿意咁離開左,而下個客係我一個熟客,佢望住我,佢問我做咩喊。

係呀,我嬲,嬲到漂眼水。無賴至此、立壞心腸嘅人,我實在好難去祝福佢過得更好,亦不屑用我副塔羅牌去幫佢。

 

【塔羅牌個案分享】

後生女教友畀已婚傳教士搞大個肚唔認數
你話想生仔我咪唔避孕囉,我家下有咗你就叫我落?
名校老師婚外情的故事
四年入面,我睇住個客拍拖、結婚再離婚。
女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」
老師的成功要訣:識人、埋堆,攀附權貴;作育英才已經行唔通。
邊個講出「分手」兩個字,邊個就係萬劫不復嘅千古罪人

 

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

我有回應

則留言

閱讀後覺得好,請多多讚好及分享~:)

其他熱門文章

  • Ansheles 可能係最成功的ViuTV 藝人 by Terence Yun
    當一個演藝人以他的個人身份做一個節目,其實已經算是成功了,看看那個《返歸啦俄仔》便是為他度身訂造。當然世界盃在俄羅斯是其中一個理由,但是如果他不是一個好藝人,電視台也不會特意做他,所以說明他是有其能耐。而他亦很稱職,他能夠搞笑、反應又快,他…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 拍拖愈耐,男人愈懶 by 小盛女
    仲記得曖昧期嘅時候,阿Mike會帶我周圍去食好西,法國餐廳、日本居酒屋、地道大排檔,次次新款,拍咗拖之後佢就話食咩都無所謂,你諗啦你熟啲,一齊咁耐有幾多次係佢搵餐廳同我去試?一隻手數得晒。我唔係期望次次都係佢搵,但係十次有一次都唔會好過份掛…
歡迎讚好我們的facebook page,免費資訊源源送上。