【性奴日辰】點解偷食會無左份工?

偷食無左份工的小姓奴于日辰

 

最近,「點解偷食會無左份工?」有人咁問。非抽水,我覺得呢個係好值得討論。

一般打工仔去偷食又好叫雞又好,通常老細都唔會作出任何干涉(老細多數都唔會知),前提係唔影響員工係公司表現。有啲老細仲可能會成班人一齊放工去尋歡作樂,完全無問題。紅杏出牆,或者會有公司既人知道(例如係公司偷食),但係其他人都好少會無端端炒花生,但界線在於:

如果有人直頭黎到公司搞事,以致管理層認為會影響到公司既運作甚至聲譽,咁又作別論。公司都係求財唔係求氣。但如果你斷米路既,當然會完全唔同待遇。

再者,如果唔係一般人,情況就會截然不同。尤其係公眾人物,例如政客,娛樂圈人士,有大量支持者既名人等等,佢地既私生活往往都會被驗屍咁驗。有啲人會認為車佢地都係人點解唔可以有番普通人既生活。但係係人都會理解,呢種公眾人物既權力係同其他人好唔同既。包括佢地可能可以影響到政策制定(即係完全影響到大眾市民),或者一舉手一投足都會有人學習同模仿,甚至有傳媒大肆報導,換句話說,佢地有煽惑民眾既能力,係強大既聲音,唔係普通人。

只要你相信有權利就有義務,而且兩者既份量就應該對等的話,你就會傾向支持政客應該係whiter than white,就算一般人係公司上鹹網會被炒,如果係司長局長咁做就應該受萬人鞭策唔單止下台甚至負上刑責。其他名人既一舉手一投足,都有需要比普通人背負更多道義上既責任(或者咁講,好多人都對名人既花生有興趣,拉一個落到黎,亦好有滿足感)。你可以話食得鹹魚抵得渴,就算撇開咩道德不提,佢既真。米飯班主亦唔係一般既老細,而係廣大既支持者。失去左絕大多數既支持者,佢既名人生捱就會即時完結。

一般阿豬阿狗唔會去理會自己既民望係乜。邊個係咪真係受成個城市既人歡迎,同佢有何干係。但係名人黎講,民望係生命,係權力既來源,生財既工具,係市價既籌碼,所以就算佢自己唔想,佢都唔會想任何既醜聞(可以係真,可以係假)發生係自己身上。依家既例子係,好多人寄信去公司聲討某某,然後佢就被人炒左。但對於公司黎講,如果佢又唔係做得特別好,公司啲人又唔想煩愈搞愈出大頭佛(因為佢係名人先會有人日夜炒作),無成本既,點解唔棄呢?請過個又有幾難?

我只係唔明點解有啲人會天真到認為私務唔會影響到公務。係一定有影響,等於啲司局長話依家以私人身份發言,所有人都會當佢9UP。愈出名愈為高權重,佢既所有decision 都唔係佢可以自己make 既。所以依家無左份工,算得係乜。未傾家蕩產咪算好囉。所以,其實做一個普通人係幾快活既。正所謂:人怕出名豬怕肥呀~話說回頭:

有啲人又想要晒所有野又想話做普通人安靜過日子?sorry 呢個世界係無咁JETSO 架。你想做普通人?重新出黎搵工囉~~呢個世界無免費散餐~~

 

關於作者:沖涼仙子

我有回應

則留言

閱讀後覺得好,請多多讚好及分享~:)

其他熱門文章

  • Ansheles 可能係最成功的ViuTV 藝人 by Terence Yun
    當一個演藝人以他的個人身份做一個節目,其實已經算是成功了,看看那個《返歸啦俄仔》便是為他度身訂造。當然世界盃在俄羅斯是其中一個理由,但是如果他不是一個好藝人,電視台也不會特意做他,所以說明他是有其能耐。而他亦很稱職,他能夠搞笑、反應又快,他…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 拍拖愈耐,男人愈懶 by 小盛女
    仲記得曖昧期嘅時候,阿Mike會帶我周圍去食好西,法國餐廳、日本居酒屋、地道大排檔,次次新款,拍咗拖之後佢就話食咩都無所謂,你諗啦你熟啲,一齊咁耐有幾多次係佢搵餐廳同我去試?一隻手數得晒。我唔係期望次次都係佢搵,但係十次有一次都唔會好過份掛…
歡迎讚好我們的facebook page,免費資訊源源送上。