【神婆雜談】有人話要捧我. . .(關菊英「無心害你」歌聲起~)

文教 / 最新文章綜覽

 

 

有個做 Digital Marketing 嘅客,佢每次黎,都好熱心咁教我「點樣紅」去增加生意。

「不如幫你搞個 IG 或 Snapchat?」

我話唔駛,呢兩個 Platform 我唔係唔識用,只不過佢地嘅主要用戶,都唔係我 Target 嘅客戶群。

OK,我老實啲,我唔做太後生嘅小朋友生意(原因就好多種啦…),Facebook 係就係大少少嘅人先會繼續用呀,唔緊要喎,我寧願做一單 OL 問工作嘅生意,都唔係太想做 13 歲妹豬問同男朋友拍拖兩星期嘅感情問題。

「咁,不如你交個 Page 比我,我捧你做 KOL?」

我打左個突,然後繼續話唔駛;唔好玩,今時今日「KOL」呢個 Term 就好似「文青」一樣其實有少少膠膠地,我呢啲名不經傳又懶又無樣又無野可以露兼唔知有咩可以 Share 嘅人,寫下文過下日辰,有雞碎咁多讀者同埋客已經好感恩,我求財架啫。

當然,我亦好多謝佢咁熱心同睇得起我,真心膠還膠,但本意唔係想玩嘢,至少佢到而家都仲係我嘅良好客戶(準時+唔講價+聽話)。

「咁樣你唔會出名,無得賺大錢架噃!」

係呀,我求財,但唔夠貪錢;我厚面皮,但都仲有自知之明,所以,雖然到而家都窮到窿,無樓又無車,淨係攬住間豆潤咁大間舖仔已經好開心,不過條路自己揀,起碼唔會柒;如果真係聽個客咁搞法,唔好玩啦,到時柒出銅鑼灣我點算?

對唔住呀,俾唔到生意你做。

 

【塔羅牌個案分享】

後生女教友畀已婚傳教士搞大個肚唔認數
你話想生仔我咪唔避孕囉,我家下有咗你就叫我落?
名校老師婚外情的故事
四年入面,我睇住個客拍拖、結婚再離婚。
女人就黎三十歲仲係 A0 係咪就叫有問題?
中女不諱言「我有 SP,但我唔會同我老公離婚」
老師的成功要訣:識人、埋堆,攀附權貴;作育英才已經行唔通。
邊個講出「分手」兩個字,邊個就係萬劫不復嘅千古罪人

 

 

關於作者:神婆

神婆
非典型占卜師,唔神秘,無形象,除了鐘意聽客人講故事,夜間興趣係打機睇動漫同撚貓。https://www.facebook.com/FortunaMessage

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。