工程師返工放工、食好西、間中約下炮:「同運?冇參加過」

(圖文不符)

 

前幾日終審法院判入境處敗訴,喺外國已婚嘅在港同性戀者可以申請伴侶簽證帶佢地伴侶過嚟。前一日,有民調指香港支持同性婚姻嘅人首次過半。

突然間,喺香港十劃都未有一撇嘅同性婚姻似乎出現左曙光。其實,喺香港地做性小眾好難,反歧視法都冇,你好唔好彩其實就係純粹靠你身邊啲人係善良定仆街。

講起婚姻講起家庭,自然就會引起啲高貴嘅性/別撚出嚟唱反調,叫人開心還開心,但要冷靜反思係唔係真係要將同性戀者規範喺一個萬惡嘅父權主義產物——「家庭」之下。

大學時有次做project訪問一個成日用藥嘅工程師,我仲記得我嗰時係非常之咁睇佢唔起。據佢所講,佢嘅生活就係起身、返工、食好西、間中約下炮同人玩無套CF、得閑就買下機票去外國玩:柏林啲group orgy 好好玩、潑水節就一定要飛曼谷食仔仔,夜晚啲酒店多P 好刺激。「同運?冇參加過」、「搞咁多做咩吖?咪又係咩都唔得。」、「老左點啊?我冇諗過喎。是但啦,我依家唔玩,唔通我又老又殘個時會有人同我玩咩?」,佢話。嗰時我對眼前呢個人嘅墮落係難以置信,坦白講一句,係差左冇企起身打鳩佢「你條死基佬抵人睇你唔起,唔死都冇用」咁討厭佢。

我所接觸嘅例子係極端嘅,毫無疑問。憤怒過後,其實係咩因素令一個人可以咁撚垃圾咁冇意義地過活?睇返佢背景:樓一早買左幾層俾老豆老母,冇男友、事業唔會點升但又高人工又穩定,話係精英又唔係,但就唔係草根。基本上佢就係悶,冇目標,其實如果死神設計一個馬上風嘅死法俾佢玩埋今晚就立即死嘅話佢應該冇咩遺憾同牽掛,因為佢真係冇未來--唔係俾人睇死個種冇未來,係佢好明白到自己事業上大把人可以取代到佢、對父母嘅負責佢一早已經還清還淨,樓都送左幾層、愛情又唔會有咩未來結果。世界對佢個人嚟講就只有享樂、刺激同埋新鮮。

我地要接受社會上99.999%嘅人都係平凡人,唔會打算去爭取咩民主、推翻資本主義、結束父權、解決全球饑荒、消滅天花咁撚偉大,大家都係尋找一啲好平常嘅目標去存在同生活。但咁唔好彩,社會上就有一部分嘅人口事實上係被剝奪左成立家庭嘅權利。而事實上,喺香港有錢最精英個班嘅同性戀者一早就走左去外國結婚、領養、甚至係俾差唔多一百萬港紙去請代母生仔去延續佢地嘅人生目標。呢種事一直都存在,喺香港同性戀嘅世界之中,建立家庭同埋生兒育女係有錢人嘅權利,窮嘅燶嘅就只能夠繼續迷失,搵埋搵埋唔知做乜好,然後任何所謂「粉紅經濟」去宰割佢地。佢地唔使主動墮落,因為佢地一早就已經係負責搵錢然後使錢發泄嘅經濟機器。

冇左「父權產物——家庭」之後,原來人唔係自由左,反而就係迷失,因為空虛而俾資本主義剝奪徹底而失去尊嚴。呢篇文我唔係想笑啲性/別文青離地,而係想話俾大家聽,原來現實,就係咁樣。想像出嚟嘅自由,未必真實存在。

 

作者:亂臣賊子

亂臣賊子

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 182416
Date: 2018-07-09 19:56:26
Generated at: 2020-09-28 17:18:10
Permalink: https://www.vjmedia.com.hk/articles/2018/07/09/182416/工程師返工放工、食好西、間中約下炮:「同運?