害死香港的廢老們。

 

 

警隊投考人數再創新高,真係見怪不怪。

鬧佢地冇志氣,鬧佢地出賣良心?唔好玩啦,一入職有兩皮嘢,仲要DSE炒哂都可以考,咁吸引,點解唔做?反正老豆老母教落,有錢萬事足。

係啊,香港人做每樣嘢都係為錢,依個就係所有人自細被灌輸嘅人生目標。

讀書為嘅唔係學嘢,唔係了解你想知嘅事,而係考好個試做醫生律師,或者讀個BA搵份好工。你估興趣班真係為興趣咩?為咗等你大啲機會入名校,多啲機會搵到錢,然後可以理直氣壯叫你比多啲家用養佢地一世,因為「我比咗好多心機養育你。」

係咩?多謝哂。

上一兩代好彩,食正經濟瘋狂起飛嘅年代,食正只要你肯搏殺就會搵到錢買到樓,或者是但買隻股票都賺到笑嘅機遇。依點我地恨唔嚟,天時地利依啲嘢要睇運氣,你點怨都唔可以回到過去。問題係依班上一兩代嘅人仲以為一套理論可以千秋萬代,你買唔到樓係因為搵唔到錢,而搵唔到錢係因為唔夠勤力。「我舊時日一份夜一份,死做難做先有錢比首期⋯⋯」依啲老一輩經驗之談我聽唔少。1976年樓市呎價298,家庭月入中位係1450,1個月買到5呎咁濟;2018年太古城賣緊2萬蚊呎,家庭月位中位2.76萬,啱啱好買到1呎。

佢地唔知而家你一日返夠三份工都唔會買到樓,唔知你再努力都追唔上通漲,只會話你做唔到佢地做到嘅事,係廢青,唔挨得。

因為佢地鍾意保值,買金買股買磚頭,由三千蚊一尺炒到三萬蚊繼續喺度買。佢地緊係得啦,搵咁咁多年錢有老本,買完租出去等人幫佢交租,然後轉個頭賣出去又賺幾廿個。入場費幾高唔緊要,因為佢地有本錢。後生仔成為佢地多種搵錢途徑下嘅炮灰,但佢地覺得錯不在佢,錯嘅係你班後生冇料到。

廢老以前喺事頭婆帶領下靠香港經濟起飛自己都飛埋一份,過自己想過嘅生活;而家又想靠中國帶香港飛多次,點知仆到直一直,自己就一聲拜拜移民離開,留返啲蘇州屎比後生執。冇能力走嘅就一路話香港不如從前,一路話後生愈嚟愈廢,搞衰哂香港。冇諗過係邊個留低咁多手尾,邊個助長發展商同大陸人喺香港搞搞震(即係包二奶班廢老們啊,搞到大陸人咁易落嚟香港)。

香港嘅後生一出社會就面對住一個死局,而班廢老居然可以厚顏無恥話係我地自己搞出嚟——實係啦,實係我地咁有錢炒買樓,搞到物價樓價高成咁,搞到你地冇錢養老,然後要後生養埋你地。

香港喺好耐之前就已經死咗,死在一班只係想下下賺到盡嘅廢老們手上。幾廿年過去,撈到嘅油水都比人榨乾榨淨,然後要嚟緊依兩三代嘅後生生活喺時時刻刻為你地還債(仲要養埋大陸人)嘅香港,等你地仲可以兩蚊搭一個站,上車乜位都比你地坐哂,然後對住你地口中嘅廢青大談過往有幾輝煌,「你班後生學唔到架啦。」

我屌你咩。

 

 

關於作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

我有回應

則留言

閱讀後覺得好,請多多讚好及分享~:)

其他熱門文章

  • Ansheles 可能係最成功的ViuTV 藝人 by Terence Yun
    當一個演藝人以他的個人身份做一個節目,其實已經算是成功了,看看那個《返歸啦俄仔》便是為他度身訂造。當然世界盃在俄羅斯是其中一個理由,但是如果他不是一個好藝人,電視台也不會特意做他,所以說明他是有其能耐。而他亦很稱職,他能夠搞笑、反應又快,他…
  • 條仔明明HIV+ 但呃人無事,仲公然中出係咩玩法? by 清風
    G 本身都唔係一個會周圍玩嘅人。佢好小心,但佢同我一樣都係一個用情極深嘅人。我好好彩,只係分手,冇撚左段感情同埋大阪來回機票;但 G 佢冇左男友,亦俾男友背叛左自己條命 。我相信呢個世界上有唔少人都有足夠嘅性知識去預防疾病,但原來,即使你唔…
  • 我女朋友有個孖生姐妹 by 毛言地
    冇錯,我女朋友係有個孖生姐妹,係似樣到齋望個樣我都未必分得出——但我冇孖生兄弟嘛,我女朋友會認得出我。雖然佢地的確成日出街,雖然我拍拖有時都會變三人行,但邊個見到我會飛撲埋嚟,邊個見到我淨係會笑笑口打個招呼我會睇到嘅,咁都唔知邊個係你女朋友…
  • 中出即飛 by 堂前燕
    每次扑野之前,總要說一輪甜言蜜語,慢慢地連她都不相信,自己竟然有點相信他了,終於有一次,他中出了她。當初,女孩將他當成是SP,當然除了性愛,他也會盡sugar_daddy的責任給她買名牌和iPhone,但無可否認,對於初經人道的她來說,他的…
  • 拍拖愈耐,男人愈懶 by 小盛女
    仲記得曖昧期嘅時候,阿Mike會帶我周圍去食好西,法國餐廳、日本居酒屋、地道大排檔,次次新款,拍咗拖之後佢就話食咩都無所謂,你諗啦你熟啲,一齊咁耐有幾多次係佢搵餐廳同我去試?一隻手數得晒。我唔係期望次次都係佢搵,但係十次有一次都唔會好過份掛…
歡迎讚好我們的facebook page,免費資訊源源送上。