【喪權辱國民建聯】世界盃就撐足球,本地波就「不了」

 

 

世界盃去到尾聲,大家捱眼瞓的日子相信差唔多完成。四強最後變左提早歐國盃,南美隊八強止步。俄羅斯以主辦國入到八強再次証明主場之利的重要性。香港人至愛英格蘭隔了多舞終於可以入到四強,以佢地今日嘅能力,真係有點超出預期,但亦佩服佢地終於扭轉宿命,打破十二碼魔奏。

香港人向來都是世界球迷,當中很大理由是港隊未能夠擠身世界盃行列,如果入到,好肯定港人必然會極度支持,因為港人仍然很撐香港隊。

但我們的建制派呢?

有,佢地好支持足球運動,你看看世界盃期間,民建聯差不多日日出Po,又支持德國隊、又阿根庭,張國鈞更說自己是英格蘭粉絲云云。雖然被指是明燈,每支持邊,就燈死邊隊,但從他們對世界盃的熱愛,相信佢地一定好支持足運啦。

但等一等,佢地係咪真係熱愛足球呢?要睇情形囉。香港隊對中國隊時,佢地去左邊呢?有冇出Po話支持邊隊呢?還記得梁振英嗎? 你問佢支持邊隊,佢支吾以對。原來支持足球隊,係要睇情形而定,如果是有中國國家在其中,當中必定優先啦,但如果入面又有香港隊,個個就自然反應,口都啞埋。

對外隊就支持,對我們香港隊呢?個個都收聲,即使香港隊對其他國家,也不見得他們有幾熱切支持。因為生怕有任何影響,一陣比人話佢支香港隊係咪想與國家砌割云云,這條罪喎,建制派啃唔啃得落呢?聽到都面青啦,何況去做。但支持其他球隊,沒有任何風險,又可以順應潮流,自然一定撐,一定做啦。

唔好搞到自己,這種Not In My Backyard 一直是建制派用開的手法。唔搞到自己個場,唔影響自己,在此情況下,基本上可以做任何事情。世界盃足球外圍賽香港對中國時,這些建制身在何地?有沒有好像今天大鑼大鼓說支持港隊呢?這明顯是生怕自身的利益有害,是否真正對香港利益的出發,實屬次要。

或者會話,撐對球隊,唔駛講到咁嚴重呀。就係連撐隊球隊,都會有人左度右度,支吾以對,就更加見得到倘若當香港有更大的問題是涉及到這些派系的自身利益時,香港人的利益會放到何處?看看地鐵剪短鋼筋事宜,就是一個極度好好的例子,有人因為與建造商有利益關係,居然可以說吹哨者是搞事之徒,從不去關心港人的安全,反之指責吹哨者,這種行徑,事實上在今天香港可謂無日無之,屢見不鮮。

或者有人說,這唔關我事,所以我唔理。假若地鐵真的發生事故,而剛巧又發生到你或者身邊人身上,大家會何感想?仲關唔關你事?

 

關於作者:Terence Yun

Terence Yun

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。