呢篇野係寫俾考完DSE，有志投身護理界既所有同學。
十幾歲既我真係乜都唔識，果時網路上既資料又少又散，希望今次呢篇野幫到同學仔啦～
首先，講左ＥＮ同ＲＮ既分別先。
ＥＮ，Enrolled Nurse 登記護士，課程修讀兩年制的課程就可以畢業，大部份院校入學條件只需要舊制CE 有Full Cert 或新制DSE 五科2級或以上（四個核心科目再加一個選修科），如有同等學院亦可。
係醫院，ＥＮ同ＲＮ既工作其實冇乜分別，只係唔可以做同ＩＶ（靜脈輸入）有關既護理程序，亦唔使做ＩＣ。而且部份地方係唔需要管藥櫃、核對針類藥、對血（輸血前要兩個ＲＮ核對）。
但係ＥＮ一旦做得耐，響Ward（病房）一樣要孭team。
而ＥＮ通常都會去院舍：如老人院及殘障院舍工作，人工亦會比醫院管理局（ＨＡ）開得高，但由於有ＨＷ（保健員）同ＰＣＷ（護理員）幫手，好多時ＥＮ係院舍已經係管理層，責任亦相對大。當ＨＷ同ＰＣＷ有野唔識、搞唔掂都係搵你。
現時ＥＮ既訓練課程有：
私家醫院唔熟，只知大部份都需要學費，而且授課以英文為主。
係呢度要講一講，天下沒有白吃的午餐，免費的課程都好不容易。
而且要有心理準備，ＥＮ課程既節奏好快，notes上既野其實唔係好夠，好多野要自己做research、實習時多問多做。
雖然係兩年，但實際上堂時間好少，大部份都係實習。
至於ＲＮ（Registered Nurse）註冊護士，一般都係ＨＤ程度以既課程，修讀年期為五年，課程內容比ＥＮ深及多，自然入學要求較高。係2000年因為政府大推「護士專業學位化」，所有護士訓練交由大學處理，所以現時ＲＮ課程以大學程度為主。而隨住Nursing 越黎越多外國護士參與研究、做學術去改善病人既護理，所以亦發展到有Master 及Doctor 課程。
ＲＮ讀上去仲可以向專科發展，我地會叫呢啲專科護士同事做ＰＲＣＣ姑娘。
現時ＲＮ做得耐，讀完Master 又可以晉升做ＡＰＮ（Advanced Practice Nurse）資深護師，所以ＲＮ要求高、課程又困難Ｄ，但個發展會比ＥＮ多元化。
現時ＲＮ既課程有：
此外，雖然大家都認為ＲＮ比ＥＮ人工高，但其實係私營市場，ＥＮ既工作配對係比ＲＮ多，因為ＥＮ人工較低，而且私人看護既工作，一般ＥＮ已經可以勝任。所以ＥＮ其實仲有條freelance 既出路，如果有左小朋友，都係一個唔錯既選擇。
筆者識幾個ＥＮ媽媽都係咁，小朋友返學時做下私人看護，到放學就去湊返小朋友，既可工作又唔會錯過小朋友既成長。
但畢左業、staff 左都仲未完架～每兩年就要續一次牌，要有足夠Continuous Nurse Education points 先可以續牌。
Nursing 課程爭取入學已經好難，讀書同實習亦都唔易過。因為護士除左自己野，仲要每個醫療同事既範疇都知少少，先識得點幫病人安排要咩同事幫手，即使醫生都會mark 底，但我地始於係對我病人最多、最長時間既人，所以基本讀書能力一定要有。
實習除左實地將你課堂學既野應用出黎、響其他staff 身上學點係醫院工作之外，仲係學點做人。你咩都唔識唔緊要，人地預左你係學生、唔會期望你幫到啲咩，但禮貌、態度、修養一定要好，唔好係個咁高壓既工作環境入面仲要增加staff 既壓力，人地唔教你野好正常，因為佢冇收你錢；人地教你野要好好記住，唔好覺得理所當然。
有啲院校冇老師帶，只安排Ward 入面其中一個staff 做你mentor。初時一定好徬徨、唔知點算好，唯有自己主動去問、去學。世上咩人都有，有人會對你好、有人會對你唔好，但唔好因為係實習遇到不公就懷疑自己，因為出黎做野，仲多呀。
想做護士，最重要有愛心。
知識同技能好易學，但如果你個人冇愛心，只係為錢揀呢行，咁你會好痛苦。因為入院既病人心情通常唔好，有人會發你脾氣、亂投訴、甚至上下其手，亦有好多無理取鬧既家屬、獵奇系同事或頤指氣使既大夫，要受既氣唔少得過飲食業。仲會有好多奇奇怪怪、不能為外所道既困難。
因此，護士都可以話係百屌成材既專業。
所以，想做之前諗清楚你既起點係為乜，寫低佢當護身符咁隨身攜帶，當遇到就黎擊潰你既挫折、就黎想放棄既時候，拎出黎睇下佢，問下自己個初心係點。
正常有成績、有家底既人都好少揀Nursing，因為世上有太多比Nurse 好既專業，正如ＡＬ揀Bio Group 而唔棄Maths Group，你一定係有啲野想做。
份份工都辛苦，但如果你信仰於自己既工作意義，你會冇咁易懷疑自己既價值。
都祝福每個想投身護理界既你都可以早日達成理想～
【遊戲新聞】Bug 助你速通拿S+ 《生化危機 4 重製版》狙擊槍土遁大法輕鬆越過鎖上的門
當女朋友仲鹹濕過自己
Pokémon朱/紫！發掘古代，超越未來！訓練員進入開放世界！
女神新標準出爐！毒燃唔可以唔識嘅5位隱藏版女神MULCE
我在孤獨中找到了快樂
真正愛對方，唔好晚晚傾電話
2018年7月12日
