放榜諗升學?不如十八歲就中出啦!

 

 

尋日DSE放榜,即係離大學放榜都不遠矣,奉勸各位準大學生做好人生規劃。點樣先係好嘅人生規劃?吾友Sidney Fong寫過一篇文叫人十八歲就生仔,但係內容比較短,我認為唔可以講曬十八歲就生仔嘅好處,所以再鳩噏下,但係主旨應該係一樣嘅。

首先,好多香港人都認為要有穩定嘅經濟來源同埋事業開始有起色先係生仔嘅最好時機,其實大錯特錯,只要唔追求啲咩名校呀,報課外活動去社區中心或者康文署到報,生仔其實係唔使咁貴嘅。而且,喺事業啱啱有起色嗰陣就去生仔,咁你理得到生仔定理得到事業?理個仔,理少啲事業,咁有起色嘅事業都變冇起色,理事業唔理個仔,香港分分鐘有七成嘅子女問題就係父母缺乏關心同陪伴子女成長所致嘅。所以喺事業有起色嘅時候生仔,絕對唔係合適嘅時機。

其次,好多人認為讀大學要專注學業,真係讀過大學嘅都知係笑話,中學生呀依家?況且讀大學要專注學業,唔通出到嚟做嘢就唔使專注事業?成日畀啲咁嘅山埃貼士,難怪啲人力資源顧問成日都話依家嘅後生仔缺乏人生規劃。其實呀,絕大多數大學生嘅大部分時間都唔係擺喺學業到,而係上莊、拍拖、做part time,如果將呢部分時間,尤其係拍拖嘅時間變成湊仔嘅時間豈不美矣?而且好多人返工嘅時間都唔會夠返大學嘅時候咁彈性,時間彈性對湊仔有咩好處?就係大大咁方便咗兩公婆對湊仔時間嘅安排。

第三,生咗仔對事業係會有好處。一般人有家庭有子女嘅人予人成熟穩重嘅感覺,能當大任,如果你以有子女之身去見工,已經勝咗同齡人一籌,當啲人仲係只係識得喺IG叫春,你已經家庭學業兩兼顧,係time management 嘅能手,叫僱主點樣唔對你青睞有加呢?當然,你要解釋清楚你生仔唔係意外,係長遠嘅人生規劃,到時僱主對你嘅印象就會再加一分。

第四,記得幫仔女買重人壽,到時佢哋意外死咗,你就有首期喇,係人生贏家,呢啲叫成功靠子幹。

 

利申,冇生仔嘅廢青。

 

關於作者:山城小豬伯

真人係幾靚仔嘅

閱讀後覺得好,請多多讚好及分享~:)

我有回應

則留言

其他熱門文章

歡迎讚好我們的facebook page,免費資訊源源送上。